on߂߀߁߇/߁߀/߃߁ ߞߐ߬ߟߏ߲.
ߒߠߋ ߞߌ߬ߢߍ߬ߓߊ߬ߞߘߐ߫ ߡߊ߬ߡߘߎ߫ ߕߙߊߥߟߋ߫ ߛߎ߬ߣߎ߲߬ߣߍ߲ ߦߴߊ߬ ߟߊߛߋ߫ ߟߊ߫ ߸ߖߘߍ߬ߞߟߏ߬ߓߊ߮ ߓߍ߯ ߡߊ߬ ߸ߊ߬ ߣߌ߫ ߒߞߏ߫ ߞߊߙߊ߲ߡߐ߮ ߣߴߊ߬ ߞߊ߬ߙߊ߲߬ߘߋ߲ ߠߎ߬ ߣߴߊ߬ ߞߊ߬ߣߌ߲߬ߓߊ߮ ߓߍ߯ ߡߊ߬ ߸ߞߏ߫ ߒ ߘߐ߯ߞߍ߫ ߝߊߕߎߡߕߊ߫ ߡߎߛߊ߫ ߕߙߊߥߟߋ߫ ߓߘߊ߫ ߝߊߕߎ߫ ߓߌ߬ ߞߐ߬ߟߏ߲ ߢߌ߲߬ ߡߊ߬ ߸ߞߵߊ߬ ߛߊߓߎ ߞߍ߫ ߘߊ߬ߡߊ߲߬ ߓߋ߫ ߘߌ߫ ߸ߛߞߍ߬ ߘߞߏ߫ ߞߵߊ߬ ߛߌ߭ ߕߏ߫ ߛߊ߲߬ ߂߃ ߟߊ߫ ߸ߛߊ߬ߓߊ߮ ߕߎ߲߬ ߡߊ߫ ߝߘߎ߫ ߞߍ߫ ߝߟߐ߫ ߸ߊߟߊ߫ ߞߵߊߟߊ߫ ߤߌߣߊ߫ ߕߊ߯ߓߊ߮ ߟߊ߫ ߸ߞߊ߬ ߢߌ߬ߣߌ߲߬ߞߊ߬ߟߌ ߣߐ߰ߦߴߊ߬ ߡߊ߬. ߞߌ߬ߢߍ߬ߓߊ߬ߞߘߐ߫ ߡߊ߬ߡߘߎ߫ ߕߙߊߥߟߋ߫ ߓߟߏ߫.
ߝߍߛߑߓߎߞߑߞߏ ߟߊߥߟߌ߬ߣߍ߲߫ ߣߐ߰ߦߊ ߟߋ߬ ߡߊ߬ ߸ߏ߬ ߓߘߊ߫ ߞߍ߫ ߡߊ߲߬ߕߙߐ ߘߌ߫ ߸ߡߐ߱ߟߎ߫ ߞߊ߲߬ ߘߏ߫ ߟߎ߫ ߓߟߏ߫ ߸ߟߐ߯ߞߎ߲߫ ߕߊ߬ߡߌ߲߬ߣߍ߲ ߣߌ߲߬ ߞߍ߫ ߘߊ߫ ߡߊ߲߬ߕߙߐߓߊ ߟߋ ߘߌ߫ ߸ߛߍ߬ߞߍ߫ ߓߌ߬ߘߊ߫ ߡߊ߬ ߸ߏ߬ ߕߍ߫ ߜߘߍ߫ ߘߌ߫ ߘߊ߬ߡߊ߲ ߘߏ߫ ߟߋ߬ ߓߐߘߊ߫ ߦߋ߲߬ ߸ߘߏ߫ ߟߎ߫ ߞߊ߲߫ ߞߏ߫ ߛߊߣߎ߲ ߞߌߘߊ ߃߀ ߣߌ߫ ߞߐ߫ ߸ߘߏ߫ ߟߎ߫ ߞߊ߲߫ ߞߏ߫ ߄߀ ߣߌ߫ ߞߐ߫. ߘߏ߫ ߟߎ߫ ߞߊ߬ ߛߊߣߎ߲ ߏ߬ ߟߋ ߖߌ߰ߦߊ ߟߊߦߟߍ߬ ߓߟߐߟߐ߫ ߞߊ߲߬ ߸ߏ߬ ߟߋ߬ ߡߊ߫ ߓߍ߲߬ ߓߘߊ߬ߡߊ߬ߖߎ߮ ߟߎ߬ ߡߊ߬ ߸ߊ߬ߟߎ߫ ߗߍ߬ ߂߀ ߥߟߌ߬ߣߍ߲ ߏ߬ ߟߋ ߘߐ߫ ߞߊ߬ ߥߊ߫ ߓߌ߬ߘߊ߫ ߛߏ ߡߌߣߌ߲߫ ߛߎ ߁ ߙߋ߲ ߕߎ߬ߡߊ ߞߊ߬ ߡߎ߯ߕߋ߫ ߘߊߡߌ߬ߣߊ߬ ߸ߝߏ߫ ߛߎ ߃ ߙߋ߲ ߕߎ߬ߡߊ ߸ߊ߬ߟߎ߬ ߦߋ߫ ߓߏ߲ ߠߎ߬ ߘߐߜߍ߫ ߞߊ߲߬ ߸ߊ߬ߟߎ߬ ߞߊ߬ ߛߊߣߎ߲ ߛߌ߰ߘߐ ߄ ߣߌ߫ ߞߏ߬ߙߏ߲߬ߘߏ ߞߎ߲߬ߜߍ ߥߊ߫ ߇ ߕߊ߫ ߂ߣߌ߫ ߞߏ߬ߙߏ߲߬ߘߏ߬ ߡߌ߬ߛߍ߲߬ߣߍ߲߬ ߁ ߕߊ߬ ߸ߞߟߌߟߌ ߞߍ߫ ߘߊ߫ ߞߎ߬ߙߋߡߊ߬ߟߋ߲߫ ߞߎ߲߬ߠߊ߬ߛߌ߮ ߟߎ߬ ߝߍ߬ ߸ߏ߬ ߟߎ߬ ߣߊ߬ߕߐ߫ ߟߊ߫ ߞߐ߲߬ߛߏ ߞߐ߲߬ߡߘߊ ߛߐ߱ ߘߊ߫ ߛߌߟߊ߫ ߟߊ߫ ߸ߝߏ߫. ߏ߬ ߟߎ߬ ߞߵߌ ߞߐ߫ ߛߍ߬ߦߌ߲߬ ߞߊ߬ ߕߊ߯ ߞߟߐ߬ߟߐ߬ߓߊ ߡߐ߱ ߘߏ߫ ߟߊ߫ ߞߐ߲߬ߛߏ ߕߊ߬ ߸ߏ߬ ߕߎ߬ߡߊ ߅ ߙߋ߲ ߓߘߊ߫ ߛߋ߫ ߸ߡߎ߲߬ ߞߴߏ߬ ߟߊߛߋ߫ ߛߏ ߡߍ߲. ߞߌ߬ߢߍ߬ߓߊ߬ߞߘߐ߫ ߡߊ߬ߡߘߎ߫ ߕߙߊߥߟߋ߫. ߊ߬ ߟߋ߬ ߛߊߣߎ߲ ߖߌ߰ߦߊ ߘߏ߫ ߝߟߍ߫.
ߖߌ߬ߣߍ߬ ߞߍ߫ ߘߊ߫ ߤߙߐ ߘߌ߫ ߁߉߅߈ ߞߏ߲ߓߌߕߌ߱ ߕߋ߬ߟߋ߫ ߂ ߟߋ߬. ߏ߬ ߛߊ߲߬ ߅߉ ߟߋ߬ ߓߍ߬ߣߍ߲߫ ߞߐ߬ߓߊ߬ߟߏ߲ ߂߀߁߇ ߞߏ߲ߓߌߕߌ߱ ߕߋ߬ߟߋ߫ ߂ ߡߊ߬. ߛߊ߲߬ߞߎ߲߬ߓߍ߲ ߏ߬ ߢߊ߰ߢߊ߮ ߘߐ߫ ߸ ߞߊ߲ߕߌ߮ ߊߟߌߝߊ߫ ߞߐ߲ߘߍ߫ ߞߊ߬ ߓߋߟߋ߲ߠߊ ߡߍ߲ ߞߍ߫ ߸ ߊ߲ ߧߴߏ߬ ߟߋ ߞߌ߬ߦߊ߬ ߞߏ ߘߐ߫ ߘߊ߬ߟߎ߬ߞߍ߲ߘߍ ߞߊ߬ߙߊ߲߬ߓߊ߮ ߟߎ߫ ߡߊ߬ ߣߌ߲߬. ߏ߬ ߝߟߍ߫ ߣߌ߲߬:
<<ߖߌ߬ߣߍ߬ߞߊ ߗߍ߭ ߣߌ߫ ߡߏ߬ߛߏ، ߒ ߝߊ߬ߛߏ߬ߘߋ߲߬ߢߐ߲߮ ߠߎ߬،
ߛߌߣߌ߲߲߫ ߂߀߁߇ ߞߏ߲ߓߌߕߌ߱ ߕߋ߬ߟߋ߫ ߂ ߸ ߊ߲ ߓߍߣߵߊ߲ ߠߊ߫ ߖߡߊ߬ߣߊ ߟߊ߫ ߘߍ߲ߖߘߍߟߦߊ ߛߊ߲߬ߞߎ߲߬ߓߍ߲ ߅߉߲ ߝߌ߬ߘߊ ߞߍ߫ ߸ ߤߙߐߦߊ ߏ߬ ߡߍ߲ ߛߐ߬ߘߐ߲߬ߣߍ߲߫ ߁߉߅߈ ߕߎߟߊߝߌ߲ ߂߈ ߢߣߊߕߊߟߌ ߛߊߓߎ߫ ߟߊ߫، ߞߊ߲ߘߟߌ ߏ߬ ߡߍ߲ ߛߊߓߎ߫ ߟߊ߫ ߸ ߘߎߢߊ߫ ߞߊ߬ ߖߌ߬ߣߍ߫ ߡߌ߬ߙߌ߲߬ߘߌ ߟߊ߫ ߘߐ߬ߖߊ ߣߴߊ߬ ߟߊ߫ ߞߟߊߓߎ ߟߐ߲߫ ߸ ߞߵߊ߬ ߦߌ߬ߘߊ߬ ߞߏ߫ ߊ߬ ߘߴߊ߬ ߞߎ߲߬ߘߏ߲߬ ߊ߬ ߖߘߍ߬ ߞߘߐ߫.
ߖߌ߬ߣߍ߬ ߟߊ߫ ߡߊ߲߬ߕߏ߲߬ߕߍ߬ߦߊ߬ ߡߦߊ ߛߐ߬ߘߐ߲ ߦߋ߫ ߖߊ߲߬ߖߏ߲߬ߓߊ߫ ߟߋ߬ ߘߌ߫ ߡߍ߲ ߦߋ߫ ߡߐ߬ߟߐ߲߬ߓߊ߫ ߘߌ߫ ߞߊ߲ߓߍ߲ ߜߘߌߛߌ߱ ߘߐ߫، ߊ߬ ߣߌ߫ ߞߵߊ߲ ߠߊ߫ ߡߌ߬ߙߌ߲߬ߘߌ ߟߊ߫ ߝߛߊ߬ߒ߬ߞߏ߬ߡߊ߬ߦߊ ߦߌ߬ߘߊ߬ ߞߍߞߋߟߋ߲ߘߌ߫ ߣߌ߫ ߤߙߐߦߊ ߣߌ߫ ߖߐ ߣߌ߫ ߞߏߟߊߘߍߢߐ߲߯ߦߊ߫ ߕߋߟߋ߲ߣߍ߲ ߠߊߣߍ߰ߣߍ߮ ߘߌ߫ ߘߎߢߊ߫ ߘߐ߫. ߦߊ߲߬ ߟߐ߲߬ߞߌ߲߬….
ߞߊ߲ߕߌ߮ ߓߘߊ߫ ߝߊ߲߬ߞߊߛߌ߬ߣߊ ߟߎ߫ ߝߙߋ߬
ߟߞߊ߬ߙߊ߲߬ߠߌ߲߬ߠߊ ߟߎ߬ ߟߊ߫ ߛߊߟߌ߫ ߟߏ߲ߓߊ ߛߊ߲߬ߞߎ߲߬ߓߍ߲ ߅߀߲ ߢߊ߰ߢߊ߮ ߡߊ߫ ߝߐ߫ ߖߌ߬ߣߍ߬ߞߊ ߟߎ߫ ߞߐ߫. ߢߊ߰ߢߊ߮ ߣߌ߲߬ ߞߍ߫ ߘߊ߫ ߡߌ߬ߙߌ߲߬ߘߌ߬ ߞߎߓߋ ߟߋ߬ ߟߊ߫ ߞߐߣߊߞߙߌ߫ ߸ ߓߌߟߏ߲ ߸ ߂߀߁߇ ߞߏ߲ߓߌߕߌ߱ ߕߟߋ߬ ߅. ߊ߬ ߞߎ߲߬ߠߊ߬ߛߌ߰ ߘߊ߫ ߞߊ߲ߓߍ߲ ߞߊ߲ߕߌ߮ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߋ߬ ߓߟߏ߫. ߞߊ߲ߕߌ߮ ߞߏ߬ߣߌ߲ ߸ ߌߞߏ߫ ߊ߬ ߘߋ߬ߙߌ߬ߣߊ߲߬ ߞߏ ߦߴߏ߬ ߘߌ߫ ߢߊ ߡߍ߲ ߸ ߞߊ߬ ߢߎ߰ߢߎ߮ ߟߊߓߐ߫ ߢߊ߰ߢߊ߮ ߝߍ߬ ߸ ߊ߬ ߞߊ߬ ߕߊ ߛߎ߬ ߝߊ߲߬ߞߊߛߌ߬ߣߊ ߟߎ߬ ߟߊ߫ ߢߐ߬ ߝߘߏ ߟߊ߫. ߞߊ߬ߕߎ߯ ߸ ߊ߬ ߞߵߊ߬ ߓߊ߲ߞߌ߫ ߞߏ߫ <<ߕߎ߬ߢߊ߬ ߝߐ ߕߎ߬ߡߊ ߓߘߊ߫ ߛߋ߫ ߸ ߊ߬ ߣߌ߫ ߞߵߊ߬ ߟߐ߲߫ ߡߍ߲ ߦߋ߫ ߡߍ߲ ߘߌ߫>>. ߦߊ߲߬ ߟߐ߲߬ߞߌ߲߬…
ߖߐ ߦߋ߫ ߓߊߘߋ߲ ߣߏߙߊߛߏߓߞߊ ߓߍ߯ ߡߊ߬ ߞߐߘߍ߫.ߣߌ߲߬ ߡߊ߫ ߓߙߊ߬ ߒߠߋ ߡߊ߲߬ߖߊ߲߬ ߓߙߋߕߋ߫ ߘߐ߫ ߢߊ߫ ߛߌ߫ߡߊ߬،(ߒ ߧߋ߫ ߒ ߘߊ ߟߋ߫ ߞߎ߲߬ ߠߊ߬ ߒߞߏ ߛߍ߬ߘߏ߲ ߘߐ߫߸ߊ߬ ߣߌ߫ ߒ ߧߋ߫ ߓߊ߯ߙߊ ߟߋ߫ ߞߎ߲߬ ߠߊ߫ ߸ߞߋ߬ߟߋ߫ ߕߍ߫) ߒߠߋ ߞߊ߬ ߒߞߏ߫ ߞߊߙߊ߲ߕߊ ߡߍ߲ ߠߊߞߊ߬ ߒ. ߢ. ߦ. ߘ. ߝߊ߲ߓߊ ߟߊ߫߂߀߀߅ߟߊ߫ ߞߐߣߊߞߙߌ߫ ߦߋ߲ߓߋߦߊ߫ ߞߌ߲߬ߘߊ ߘߊ߫߸ߣߏߙߊߛߏߓߞߊ ߡߐ߰߃ ߘߏ߲߬ ߘߊ߫ ߞߊ߬ߙߊ߲߬ߕߊ ߏ߬ ߟߊ߫:(ߡߎߛߊ߫ ߣߌ߫ ߓߊ߬ߟߊ ߘߎ߲ߓߎߦߊ߫߸ߟߊ߬ߡߌߣ ߘߎ߲ߓߎߦߊ߫،ߎߛߑߡߊ߯ߣ ߘߎ߲ߓߎߦߊ߫)ߗߍ߬ ߃ߣߌ߲߬ ߓߍ߯ ߞߊ߬ ߒߞߏ ߓߊߓߋ߬ ߞߊ߬ ߞߍ߫ ߞߊ߲ߜߍ߫ ߘߏ߲ߛߏ ߘߌ߫،ߝߏ߫ ߞߊ߬ ߞߍ߫ ߒ. ߢ. ߦ. ߘ. ߟߊ߫ ߞߟߋߞߟߋ߫ ߞߍߟߊ ߟߎ߬ ߘߌ߫ ߞߐߣߊߞߙߌ߫ ߥߎߢߊ߲ߓߍ߲ ߠߎ߬ ߟߊ߫(ߙߊ߬ߘߌߦߏ) ߞߊ߬ߣߌ߲߬،ߒߞߏ ߘߋ߬ߙߌ߬ߘߊ߫ ߡߊ߲߬ߘߋ߲߫ ߜߙߋ߬ߡߊߕߍ߰ߣߍ߲ ߝߣߊ߫ ߞߐߣߊߞߙߌ߫ ߡߊ߬ߕߏߕߏ߬ ߞߊ߬ߝߏ߬ߙߋ߲ ߞߣߐ߫߸ߣߏߙߊߛߏߓߞߊ߫ ߛߌߦߊߡߊ߲߫ ߠߋ߬ ߓߘߊ߫ ߒߞߏ ߞߊ߬ߙߊ߲߬ ߦߋ߲߬߸ߡߍ߲ ߦߙߌߞߊ ߕߍ߫ ߓߊ߲߫ ߡߊߘߊ߲߫ ߠߊ߫،ߤߊߟߌ߬ ߗߋߘߊߕߌ߮ ߟߎ߬ ߓߍ߯ ߦߴߊ߬ ߘߐ߫. ߒߞߏ ߘߋ߬ߙߌ߬ߘߊ߫ ߡߊ߲߬ߘߋ߲߬ ߥߎߟߊ߫-ߟߊ – ߞߊߙߊ߲ ߝߣߊ߫ ߥߟߌ߬ߣߍ߲߸ߣߏߙߊߛߏߓߞߊ ߟߎ߫ ߟߋ߬ ߏ߬ ߢߍߓߊ߯ߦߊ ߟߊ߫ ߝߣߊ߫،ߣߊߟߌ߬ߡߎ߲߫ ߞߊ߬ߙߊ߲߬ߡߐ߯ ߟߊ߬ߡߌߣ ߡߊ߲߬ߘߋ߲߬ ߡߏߙߌ߫ ߛߌ߬ߛߋ ߣߌ߫ ߞߊ߬ߙߊ߲߬ߡߐ߰ ߣߎߤߊ߲߫ ߘߎ߲ߓߎߦߊ߫ ߘߌ߫،ߝߊ߬ߞߐ߬ߟߌ߬ߛߌ ߟߎ߬ ߟߊ߫ ߜߊ߬ߙߊ ߡߍ߲ ߞߍ߫ ߘߊ߫ ߣߏߙߊߛߏߓߊ߫߸ߒߞߏ ߘߎ߲ߓߎ ߟߊ߫ ߗߋߘߋ߲ ߠߎ߬:ߟߊ߲߬ߛߌ߬ߣߍ߫ ߥߘߎ߬ߡߊ߬ߞߊ ߞߊ߬ߞߙߐ ߣߌ߫ ߥߙߊ߬ߓߊ߬ ߖߘߊ߫ ߞߏ߬ߣߊ߬ߕߍ߬ ߟߎ߫ ߟߊ߫ ߘߊ߲߬ߕߍ߰ߟߌ ߘߐ߫߸ߣߏߙߊߛߏߓߊ߫ ߒߞߏߞߏ ߞߊ߬ ߒߠߋ ߤߣߍ߫ ߟߋ߬ ߝߋߎ߫߹
ߊ߲ ߧߋ߫ ߘߐ߬ߖߊ߬ߓߊ߮ ߟߎ߬ ߞߏߝߐ߫ ߟߊ߫ ߟߋ߬ ߡߎ߬ߕߎ߲߬߸ߦߏ߫ ߒߞߏ ߛߓߍߛߎ߲߫ ߞߊ߲ߡߊߛߙߋߡߊ ߛߌ߲ߘߌߓߊ߮ ߝߏߘߋ߫ ߛߟߏ߬ߡߊ߯ߣߊ߬ ߞߊ߲ߕߍ߫ ߞߊ߬ ߝߎߕߊ߫ ߝߌ߬ߟߊ ߟߎ߬ ߟߊ߫ ߘߐ߬ߖߊ ߝߐ߫ ߢߊ ߡߍ߲߸ߡߊ߲߬ߘߋ߲߬ߞߊ ߟߎ߬ ߟߊ߫ ߖߊߝߏߦߊ ߝߐ߫ ߕߎߡߊ،ߛߌ߬ߟߡߊ߬ߦߊ ߢߊߟߐ߲߫ ߖߏߣߊ ߞߝߊ߬ ߝߌߟߊߣߊ߲ ߞߣߐ߫ ߕߊ߲߬:(ߞߏ߫ ߒ ߘߌ߫ ߕߊ߲߬ߘߏ߬ߟߌ ߟߊߛߋ߫ ߡߍ߲ ߠߎ߬ ߡߊ߬ ߦߊ߲߬߸ߏ߬ ߟߋ ߝߎߕߊ߫ ߝߎߟߊ ߟߎ߬ ߘߌ߫،ߞߏ߫ ߓߊߏ߬߸ߖߊ߬ߥߏ ߡߊ߫ ߏ߬ ߟߎ߫ ߟߋ߬ ߓߊ߬ߟߌ߬ ߞߊ߬ߙߊ߲ ߞߍ߫ ߟߊ߫ ߝߎ߲ߞߎ߲ߘߊ ߟߎ߬ ߣߌ߫ ߡߣߐ߬ߓߏ߲߬ߘߊ ߣߌ߫ ߕߌ߲ߓߌߘߌ߲ߘߊ ߟߎ߬ ߟߊ߫،ߞߏ߫ ߡߐ߰ ߛߌ߫ ߘߏ߲߬ ߞߊ߬ ߡߐ߱ ߘߊ߲߬ ߕߏߟߏ߲ ߘߐ߫߸ߏ߬ ߘߴߌ ߘߊ߲߬ ߛߍ߬ߓߍ ߘߐ߫) ߞߏ߫ ߣߴߌ ߦߴߊ߬ ߝߍ߬ ߞߊ߬ ߡߊ߲߬ߘߋ߲߫ ߓߊ߬ߘߏ߬ ߜߙߊ ߡߍ߲ ߖߍ߲ߛߍ߲߫߸ߌ ߦߋ߫ ߞߊ߬ߙߊ߲߬ ߞߏ߬ ߞߎߡߊ ߓߌ߬ߟߊ߫ ߓߊ߬ߘߏ ߘߐ߫.ߣߏߙߊߛߏߓߊ߫ ߖߊ߲߬ߛߊ ߟߋ߫ ߏ߬ ߘߌ߫،ߣߌ߲߬ ߢߐ߲߰ ߛߌߦߊߡߊ߲߫ ߠߊߞߙߐ߬ߛߌ߬ߣߍ߲߫ ߒ ߓߟߏ߫،ߕߎ߬ߡߊ߬ ߜߘߍ߫߸ߒ߬ ߘߌ߫ ߞߊ߬ߟߊ ߕߊ߬ ߝߣߊ߫. ߊߟߎ߫ ߓߊߘߋ߲ߞߍ߫ ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫ ߟߋ߬ ߕߘߍ߬ ߕߎ߬ߡߊ ߓߍ߯ ߒߞߏ߫ ߞߊߙߊ߲ߡߐ߮.
ߛߌ߬ߣߌ߲߬ߟߏ߲ ߂߀߁߇ ߕߎߟߊߝߌ߲ ߕߟߋ߬ ߈ ߛߓߍߛߎ߲ߧߊߟߌ ߖߊ߲߬ߖߏ߲ ߘߊ߲߬ߕߍ߰ߟߌ:
ߛߓߍߛߎ߲ߧߊߟߌ ߗߋߕߌ߮ ߟߋ߬ ߞߊ߬ ߟߊ߬ߛߣߍ߬ߟߌ߬ ߓߋߟߋ߲ߠߊ ߞߊ߬ߙߊ߲߬،ߞߏߕߌ߮ ߌߓߙߊߤߌߡߊ߫ ߞߊߟߌߟ ߞߏ߬ߣߊ߬ߕߍ߫(ߞߊߥߏ߬ߞߊ߯ߙߋ) ߣߌ߫ ߞߊ߲ߓߍ߲ ߓߐ߬ߟߐ߲߬ߞߊ߬ ߝߟߐ ߤߊߖߊ߬ ߖߍ߬ߣߍ߫ ߞߊ߬ߓߊ ߞߐ߲ߘߍ߫ ߛߣߍߡߊߣߍ߲ ߞߐ،ߊ߬ ߘߊߦߟߍ߬ ߘߊ߫ ߡߌ߬ߛߍ߲߬ ߁ߛߌ߲ߡߊߟߌ ߟߋ߬ ߟߊ߫߸ߞߎ߲߬ߘߐ߲ߞߟߌ ߟߊ ߘߌ߫،ߞߊ߬ ߛߓߍߛߎ߲ߧߊߟߌ ߞߙߏ߬ߝߏ߬߄ߘߊ߲߬ߕߍ߰،ߞߊ߬ ߛߓߍߛߎ߲ߧߊߟߌ ߕߊ߲ߓߊ߲ߘߊ ߟߎ߫ ߘߊ߲߬ߕߍ߰،ߞߊ߬ ߡߐ߰ ߛߓߍߛߎ߲ߧߊߣߍ߲ ߠߎ߬ ߦߙߌߞߊ ߘߊ߲߬ߕߍ߰ ߖߡߊ߬ߣߊ ߕߎ߲ߞߎ߲߫ ߄ ߓߍ߯ ߟߊ߫،ߒߞߏ ߣߌ߫ ߝߊ߬ߙߊ߲߬ߛߌ ߘߐ߫،ߒߞߏ ߟߋ߬ ߞߊ߬ ߢߍߓߊ߯ߦߊ ߘߊ߬ߘߌ߬ ߢߍߝߍ߬.
ߊ߬ ߣߌ߫ ߊߟߌߡߊ߲ߘߎ߯ ߛ.ߘ.ߞ.(ߓߌߓߌߓߌ) ߣߌ߫ ߊߡߙߌߞߌ߬ ߛ. ߘ. ߞ. (ߖߌ߬ߣߍ߬ ߕߐߛߑߕߊ߲߫) ߟߊߣߍ߲ ߛߓߍߛߎ߲ߧߊߟߌ ߞߙߏ߬ߝߏ߬߄ߞߊ߲߬،(ߖߌ߬ߣߍ߬ ߊߙߑߡߊߕߊ߲߫)ߣߌ߫ ߞߏߕߌ߯ߘߊ ߟߊ߫ ߓߟߏߘߏ߲ߢߐ߲߯ߓߟߏ ߞߣߐ ߡߊ߬،ߞߏ߫ ߢߝߍߕߊ߮ ߣߌ߲߬ ߛߊߓߎ ߞߍߣߍ߲߫ ߞߊ߲ߕߌ߮ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊ߫ ߘߐ߬ߖߊ ߛߊߓߎ ߟߋ߬ ߘߌ߫. 
(ߛߓߍߛߎ߲ߧߊߟߌ ߗߋߕߌ߮ ߝߊ߬ߛߏ߬ߟߊ߬ߞߊ ߟߊ߫ ߘߊ߲߬ߕߍ߰ߟߌ ߟߋ߬ ߕߘߍ߬.)
ߔߊ߬ߡߏߖ߭ߊ߬) ߟߋ߬ ߟߊ߫ ߓߋߟߋ߲ߠߊ ߕߎ߲߰ ߘߊ߫ ߏ߬ ߟߊ߫،ߞߊ߲߫ ߓߘߍ߫ ߛߌߦߊߡߊ߲߫ ߓߐ߬ߟߐ߲߬ߞߊ ߝߊߕߎߡߊߕߊ߬ ߘߊߓߏ߫ ߓߟߏ߫،ߞߌߢߍ߲߫ ߟߍߙߊ ߟߎ߬ ߞߎߓߋߘߊ ߕߐ߲ߕߌ߮ ߛߊ߲߬ߛߌ߫ ߞߊ߬ߓߊ߫ ߖߊ߬ߦߌ߬ߕߋ߫ ߟߋ߬ ߟߊ߫ ߓߋߟߋ߲ߠߊ ߕߎ߲߰ ߘߊ߫ ߏ߬ ߟߊ߫،ߊ߬ ߞߊ߬ ߓߊߙߌߞߊ߫ ߞߟߏߜߍߟߍ߲߫ ߓߌ߬ߟߊ߬ ߛߓߍߛߎ߲ߧߊߟߌ ߞߙߏ߬ߝߏ߬߄ߦߋ߫،ߞߵߊ߬ߟߎ߬ ߟߊ߫ ߂߀߁߇ߢߍߥߟߊ ߓߍ߯ ߦߌ߬ߘߊ߬،ߡ. ߟ. ߛ. ߟ ߞߐߦߌߘߊߓߊ߮ ߌߓߙߊߤߌߡߊ߬ ߛߏ߬ߟߏ ߞߐ߲ߘߍ߫ ߟߊ߫ ߓߋߟߋ߲ߠߊ ߟߋ߫ ߕߎ߲߰ ߘߊ߫ ߏ߬ ߟߊ߫.ߡߏߙߌ߫ ߖߋ߬ߟߌ ߘߌߣ ߞߎߦߊߕߍ߫ ߟߊ߫ ߘߐ߲߬ߞߟߌ(ߌ ߡߴߊ߬ ߦߋ߫ ߥߘߎ߬ߓߊ ߓߘߊ߫ ߓߐ߫߸ߓߍ߯ ߛߌߟߊ߲ߣߍ߲߫ ߒ ߝߊ߬ ߟߋ߬ ߢߍ߫) ߟߋ߬ ߟߊ߫ ߘߊ߫ ߞߏߕߌ߮(ߞߊ ߥߏ߬ ߞߊ߯ߙߋ) ߢߍ߫،ߊ߬ ߞߊ߬ ߕߊ߲߬ߘߏ߬ߟߌ ߟߊߛߋ߫ ߛߓߍߛߎ߲ߧߊߟߌ ߞߙߏ߬ߝߏ ߟߎ߫ ߡߊ߬،ߊ߬ ߜߋ߲ߜߋ߲߫ ߡߏ߬ߛߏ ߟߎ߬،ߊ߬ ߣߌ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߢߍ߫،ߊ߬ ߣߌ߫ ߞߌߢߍ߲߫ ߟߍߙߊ ߞߎߓߋߘߊ ߛߌ߲߬ߝߏ߲ ߠߎ߬ ߦߋ߫،ߞߏ߫ ߓߍ߯ ߛߊߟߌߡߊߝߏ߫߹߹߹
ߒߞߏ ߟߊ߫ ߢߎߡߍߙߋ߲ߥߟߊ ߘߊ߲߬ߕߍ߰ߟߌ ߟߋ߬ ߕߎ߲߰ ߘߊ߫ ߏ߬ ߟߊ߫،ߡߐ߬ߟߐ߲߬ߕߌ߮ ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫ ߓߟߏ߫،ߞߏ߫ ߊ߬ ߘߌ߫ ߓߌ߬ߟߊ߬ ߟߐ߮ ߘߐ߫ ߦߊ߬ߣߌ߫ ߞߊߙߏ߫߃،ߒߞߏ ߛߓߍߣߍ߲߫ ߊ߬ ߞߣߐ߫߸ߊ߬ ߦߴߊ߬ ߞߊ߬ߙߊ߲߬ ߠߊ߫ ߝߣߊ߫،ߞߏ߫ ߡߐ߰ ߛߌ߫ ߦߋ߫ ߞߎ߲߬ߠߊ߬ߝߎ߬ߟߋ߲ ߝߍ߬ ߸ߌ ߘߌ߫ ߛߓߍߛߎ߲ߧߊߟߌ ߞߏߕߌ߮ ߦߋ߫،
ߞߊ߲ߓߍ߲ ߓߐ߬ߟߐ߲߬ߞߊ߬ ߝߟߐ ߤߊߖߊ߬ ߖߍ߬ߣߍ߫ ߞߐ߲ߘߍ߫ ߟߋ߬ ߟߊ߫ ߓߋߟߋ߲ߠߊ ߕߎ߲߰ ߘߊ߫ ߏ߬ ߟߊ߫،
ߒߞߏ߫ ߞߝߊ ߟߎ߬ ߞߎ߲ߝߊ߲ߓߐ߫ ߟߋ߬ ߞߍ߫ ߘߊ߫ ߞߎ߲߬ߝߊ߰ߟߌ ߘߌ߫.
ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫ ߟߊ߫ ߘߊ߲߬ߕߍ߰ߟߌ ߟߋ߬.
ߊߟߎ߫ ߛߊߟߌߡߊߝߏ߫ ߊߟߎ߫ ߛߊߟߌߡߊߢߊ߰ߢߊ߰ ߊߟߴߊ߲ ߠߊ߫ ߛߊ߲߭ ߛߛߊ߲߬ߘߐ߫ ߦߴߊ߲ ߛߋߕߌ߮ ߛߐ߬ߘߐ߲߬ ߞߊ߬ ߒߞߏ ߦߙߌߥߊ߫ ߞߵߊ߬ ߛߓߊ߬ߕߌ߫
ߖߌ߬ߣߍ߫ ߡߌ߬ߙߌ߲߬ߘߌ ߝߣߊ߫ ߞߊ߫ ߞߊ߲߫ ߠߋ߬ ߞߊ߬ ߥߐ߬ߣߍ ߕߊ߬ ߸ ߓߊ ، ߣߌ߫ ߡߌ߬ߙߌ߲߬ߘߌ ߡߴߊ߬ ߤߊߞߍ߫ ߣߴߊ߬ ߞߍߕߊ ߘߊ߲߬ߝߘߊ߬ߓߐ ߟߐ߲߫ ߸ ߓߘߍ߬ߓߘߍ߬ߟߌ߬ߟߊ߬ ߖߎ߮ ߘߴߊ߬ߟߎ߬ ߞߴߊ߬ ߡߊߣߊ߲ߞߎ߲ ߘߌ߫. ߝߏ߫ ߞߐߣߊߞߙߌ߫ ߛߌ߰ߓߊ߮ ߟߎ߬ ߦߴߊ߬ ߟߐ߲߫ ߞߏ߫ : ߞߐߣߊߞߙߌ߫ ߓߏ߲ %߄߀ ߟߐ߬ߣߍ߲߫ ߖߌ ߟߊ߫ ߛߌߟߊ ߟߋ߬ ߘߐ߫. ߞߊ߬ %߁߀ ߟߐ߬ ߞߎ߲߬ߠߊ߬ߛߌ߮ ߟߊ߫ ߞߣߍ ߟߎ߬ ߞߊ߲߬ . ߓߊ߯ߙߊ߫ ߖߎ߮ ߣߌ߲߬ ߓߍ߯ ߞߍߣߍ߲߫ ߁߉߈߅ ߣߌ߫ ߂߀߁߀ ߕߍߟߊ ߟߋ߬ ߘߐ߫ ߸ ߛߊ߲߭ ߂߅ ߕߌߢߍߟߌ ߕߍ߫ ߛߋ߫ ߘߊ߲ߘߊ߫ ߟߊ߫ ߛߊ߲߬ ߂߅ ߜߘߍ߫ ߞߣߐ߫ ߣߌ߫ ߡߌ߬ߙߌ߲߬ߘߌ ߡߊ߫ ߞߎ߲߬ߠߊ߬ߛߌ߮ ߟߊ߫ ߥߙߎߞߌ ߢߍߥߟߊ ߟߎ߬ ߞߐߡߊߓߌ߲ߓߌ߲߫ . ߣߴߌ ߞߊ߬ ߖߌ߬ߣߍ߫ ߓߘߍ߬ߓߘߍ߬ߟߌ ߞߊߡߊ߲ ߠߊߞߙߐ߬ߛߌ߫ ߓߌ߬ ، ߌ ߘߴߊ߬ ߟߐ߲߫ ߞߏ߫ ߖߌ߬ߣߍ߬ ߞߐߘߏ߲ߓߊ߮ ߟߎ߬ ߦߋ߫ ߖߡߊ߬ߣߊ ߟߊ߫ ߗߌߙߏ߲߫ ߠߋ߬ ߝߍ߬ ߸ ߞߴߏ߬ ߞߎ߲߭ ߞߍ߫ ߞߊ߲ߕߌ߮ ߊߟߌߝߊ߫ ߞߐ߲ߘߍ߫ ߟߊߜߏߦߊߒߧߍ ߘߌ߫ . ߓߘߍ߬ߓߘߍ߬ߟߌ߬ߟߊ ߟߎ߬ ߟߊ߫ ߢߐ߲߮ ߡߊߝߏߦߌ߲ ߕߍ߫ ߞߏߖߎ߯ ߘߌ߫ ߡߌ߬ߙߌ߲߬ߘߌ ߟߊ߫ ߛߓߊ߬ߕߌ߬ߞߏ ߟߎ߬ ߘߐ. ߒ߬ߞߊ߬ ߸ ߞߏ ߡߍ߲ ߡߊ߲ߘߌ߫ ߖߡߊ߬ߣߊ ߟߊ߫ ߣߌ߫ ߞߊ߲ߕߌ߮ ߊߟߌߝߊ߫ ߞߐ߲ߘߍ߫ ߞߊ߬ ߕߐ߲ ߛߌ߰ ߏ߬ ߟߊ߫ ߸ ߓߘߍ߬ߓߘߍ߬ߟߌ߬ߟߊ߬ ߡߍ߲ ߓߴߊ߬ ߖߙߊ߬ߞߌ ߏ߬ ߘߐ߫ : ߖߌ߬ߣߍ߬ߞߊ ߟߎ߬ ߖߎ߮ ߟߵߏ߬ ߕߌ߱ ߘߌ߫ ߛߎߋ߫ ߹ ߡߌ߬ߛߊ߬ߟߌ߬ ߓߟߏ߫ ߡߊ߬ ، ߞߏߕߌ߯ߘߊ ߡߍ߲ ߓߟߏߡߊߞߊ߬ߣߍ߲߫ ߓߏ߲߫ ߟߐ ߞߏ ߟߎ߬ ߣߌ߫ ߛߏ ߟߊߗߋ߲߬ߧߊ߬ ߞߊ߲ߡߊ߬ ߣߴߊ߬ ߞߏߕߌ߮ ߦߋ߫ ߟߏ߲߬ߛߋߣߌ߲߫ ߞߊ߬ߡߙߊ߫ ߘߌ߫ . ߖߌ߬ߣߍ߫ ߞߎ߲߬ߠߊ߬ߛߌ߮ ߞߊ߬ ߏ߬ ߟߋ ߟߐ߬ ߓߏ߲߫ ߘߏ߫ ߟߎ߫ ߕߋ߬ ߟߊ߫ ߞߐߣߊߞߙߌ߫ ߙߊ߬ߕߏߡߊ߫ ߞߊ߬ߝߏ߬ߙߋ߲ ߞߣߐ߫ ߘߋ߬ߡߎߦߌߘߎߟߊ߫ ߞߌ߲߬ߘߊ ߟߊ߫ . ߖߊ߲߬ߕߏ߬ߒߘߐ ߞߌ߲߬ߘߊ ߣߌ߲߬ ߕߐ߮ ߦߋ߫ ߛߏ߬ߛߏ߬ ߞߊ߲ ߠߋ߬ ߘߌ߫ ، ߡߍ߲ ߞߘߐ߫ ߦߋ߫ ( ߥߏ߬ߘߏ߲߬ ߕߏ߬ ߞߐ ) ߘߌ߫ ߡߊ߬ߣߌ߲߬ߞߊ߬ ߞߊ߲ ߘߐ߫. ߓߊ ߸ ߛߏ߬ߛߏ ߟߎ߬ ߞߊ߲߫ ߥߏ߬ߘߏ߲ ߠߋ߬ ߡߊ߬ ߞߏ߫ : ߘߋ߬ߡߎߦߌ߫ ، (ߘߎߟߊ) ߦߋ߫ ߣߌߡߊ ߕߏ ߟߋ߬ ߘߌ߫ ߖߌ ߘߐ߫ ߞߊ߬ ߛߊ߬ ߸ ߊ߬ ߓߘߊ߫ ߕߏ߫ ߖߌ ߘߐ߫ = ߊ߬ ߓߊߙߊ߬ ߘߎߟߊ߫ . ߞߎߡߊ ߣߌ߲߬ ߓߍ߯ ߦߋ߫ ߡߍ߲ ߠߊߢߌߣߌ߲ ߠߊ߫ ߊ߲ ߘߌߣߊ߬ ߛߴߏ߬ ߡߊ߬ ߛߍ߲ ߣߴߊߟߊ߫ ߛߐ߲߬ ߘߊ߫ . ߞߐߣߊߞߙߌ߫ ߛߏ߬ߛߏ߬ ߗߍߡߐ߮ ߟߎ߬ ߟߊ߫ ߝߐߟߌ߫ ߘߐ߫ ߸ ߥߏ߬ߘߏ߲ ߠߎ߬ ߕߘߍ߬ ߕߊ߯ ߟߴߊ߬ߟߎ߫ ߡߌ߲߬ ߠߊ߫ ߞߐ߭ ߘߏ߫ ߟߋ߬ ߖߌ ߘߐ߫ ، ߒ߬ߞߊ߬ ߸ ߞߐ߭ ߣߌ߲߬ ߠߊ߫ ߘߎ߲߬ߧߊ ߞߏߛߐ߲߬ ߸ ߥߏ߬ߘߏ߲ ߘߏ߫ ߟߎ߫ ߕߘߍ߬ ߕߟߊ߫ ߟߊ߫ ߟߋ߬ ߞߐ߬ ߞߊߙߊ߲ߞߊߙߊ߲ ߠߊ߫ ߛߐ߲߬ ߞߊ߬ ߓߋ߬ ߖߌ ߘߐ߫ ߞߊ߬ ߛߊ߬ . ߏ߬ ߞߍ ߡߐ߰ߓߊ ߟߎ߬ ߞߊ߬ ߦߋ߲߬ ߕߐ߯ߟߊ߫ ߦߴߏ߬ ߢߊߝߐߣߍ߲߫ ߛߊ߲ߝߍ߬ ߢߊ ߡߍ߲ ߒ ߓߟߏ߫ ߛߌߛߍ߲߬ ߸ ߒ߬ߤߎ߲߫ ߹ ߥߏ߬ߘߏ߲ ߣߴߊ߬ ߤߊ߲ߞߟߌ ߣߴߊ߬ ߝߊ߲߬ߞߊ ߟߊߥߊ߬ߙߊ ߡߴߊ߬ ߞߛߌ߫ ߞߐ߭ ߡߍ߲ ߖߌ߫ ߝߊ߲߬ߞߊ ߥߙߊ߬ߞߏ߬ߖߎ߮ ߡߊ߬ ، ߊߘߡߊߘߋ߲߫ ߤߊ߲ߞߟߌߡߊ ߖߐ߲߫ ߞߍߕߐ߫ ߊ߬ ߛߌ߬ߓߏ߲ ߟߐ߬ ߟߊ߫ ߦߋ߲߬ ؟ ߒ߬ߓߊ߬ ߸ ߣߌ߫ ߡߍ߲ ߞߊ߬ ߓߏ߲ ߟߐ߬ ߦߌߟߊ ߖߎ߮ ߏ߬ ߘߐ߫ ߕߟߏߡߊߜߟߍߦߊ ߡߊ߬ : ߏ߬ ߕߌ߱ ߟߊ߫ ߓߏ߲ ߕߋ߬ߕߊ ߟߋ߬ . ߓߘߍ߬ߓߘߍ߬ߟߌ߬ߟߊ ߡߍ߲ ߓߴߏ߬ ߞߍ߫ ߓߍ߲߬ߛߋ߲߬ߡߊ ߘߌ߫ ߞߵߊ߬ ߝߐ߫ ߞߏ߫ ߡߐ߱ ߟߎ߬ ߟߊ߫ ߓߏ߲ ߠߎ߬ ߓߘߊ߫ ߕߋ߬ ߊ߬ߟߎ߬ ߟߊߜߏߦߊߒߧߍ ߡߊ߬ ߸ ߏ߬ 
ߕߌ߱ ߦߋ߫ ߡߌ߬ߙߌ߲߬ߘߌ ߖߎ߮ ߟߋ߬ ߘߌ߫ %߁߀߀ ߟߊ߫ . ߞߊ߬ߛߙߊ߬ ߓߟߋߓߟߋ ߡߍ߲ ߞߍߣߍ߲߫ ߖߘߊ߬ߞߙߎ߫ = ߛߋߙߊߟߋߦߐ߲ߣ ߢߌ߬ߣߊ߲߬ ߸ ߏ߬ ߞߍߕߐ߫ ߕߘߍ߬ ߞߐߣߊߞߙߌ߫ ߘߋ߬ߡߎߦߌߘߎߟߊ߫ ߟߋ߬ ߢߌ߬ߣߊ߲߬ . ߒ߬ߞߊ߬ ߸ ߖߌ߬ߣߍ߫ ߞߎ߲߬ߠߊ߬ߛߌ߮ ߟߊ߫ ߤߊ߲ߞߟߌߡߦߊ ߓߘߴߏ߬ ߓߊߛߌ߫. ߞߏ߬ߣߌ߲߬ ، ߝߏ߫ ߞߊ߲ߕߌ߮ ߊߟߌߝߊ߫ ߞߐ߲ߘߍ߫ ߦߴߊ߬ ߣߌ߫ ߞߎ߬ߣߎ߲߬ ߞߊ߬ ߞߐߣߊߞߙߌ߫ ߝߙߊ߬ߞߣߐ߬ ߓߏ߲߫ ߓߍ߯ ߕߋ߬ . ߌ ߡߴߊ߬ ߦߋ߫ ߡߍ߲ ߠߎ߬ ߝߣߊ߫ ߞߊ߬ ߓߏ߲ ߟߐ߬ ߞߐ߲ߞߊ߲ߛߍߙ ߢߡߊ߬ߕߏ߲ ߘߊߝߍ߬ ߸ ߛߊ߲ߖߌ ߡߍ߲ ߣߊ߬ߣߍ߲߫ ߓߌ߬ ߘߓߊ߬ߓߌߟߊ ߕߋ߬ߟߋ߫ ߂߂ ߘߎ߰ߕߟߊ ߡߊ߬ ، ߏ߬ ߞߊ߬ ߡߐ߰ ߛߌߦߊߡߊ߲߫ ߠߋ߬ ߓߣߐ߬ ߊ߬ ߣߌ߫ ߘߐ߫. ߒ߬ߓߊ߬ ߸ ߞߏ߲߬ߘߋ ߕߟߏ߫ ߦߋ߫ ߣߊ߲ߞߐ߭ ߕߎ ߦߋ߫ ߸ ߣߌ߲߬ ߞߏ߬ߣߌ߲߬ ߦߋ߫ ߓߍ߲߬ߒ߬ߛߋ߲߬ߡߊ ߟߋ߬ ߘߌ߫ ߞߊ߬ ߖߡߊ߬ߣߊ ߛߊߣߌ߲ߧߊ߫ ߛߎߋ߯ ߣߊ߲ߞߐ߭ ߕߎ ߦߋ߫ ߸ ߛߌ߯ߙߌ߲ߞߊ ߟߎ߬ ߟߋ߬ ߞߊ߬ ߣߊ߲ߞߐ߬ߞߏ ߞߘߐ߫ ߟߐ߲߫ ߣߴߊߟߊ߫ ߛߐ߲߬ ߘߊ߫ ، ߊ߲ ߘߌߣߊ߬ ߞߎߡߊ߫ ߣߊ߲ߞߐ߭ ߘߐ߬ߝߐ ߞߊ߲߬ ߕߎ߬ߡߊ߬ ߜߘߍ߫ ߸ ߖߐ ߦߋ߫ ߒߞߏ߫ ߞߊ߬ߙߊ߲߬ߡߐ߮ ߓߍ߯ ߟߊߘߍ߬ߣߍ߲ ߡߊ߬ ߞߐߘߍ߫ . ߛߊ߲߬ߛߊ߲߬ߘߐ߫ ߡߊ߬ߡߊߘߌ߫ ߞߊ߬ߡߙߊ߫ ߟߊ߫ ߞߟߊ߬ߘߊ ߟߋ߬.
ߒߞߏ ߛߓߍߛߎ߲ ߛߌ߲ߘߌߓߊ߮ ߥߟߏߛߟߎ ߞߟߐ߬ߣߍ߲߬ ߘߋ߲ߡߌߛߍ߲ ߠߎ߬ ߣߊ߬ ߝߊ߬ߘߌ߬ߡߊ߬ߞߟߏ ߢߊ߰ߢߊ߰ߓߊ ߡߍ߲ ߛߌ߲߬ߝߏ߲߬ߧߊ߬ ߟߊ߫ ߂߀߁߇ߞߊ߬ߙߌߝߐ߭ ߕߟߋ߬߁߆ߡߊ߬߸ߞߐߣߊߞߙߌ߫ ߡߊ߬ߕߏߕߏ߬ ߞߊ߬ߝߏ߬ߙߋ߲ ߞߣߐ߫،ߞߊ߰ߓߌ߬ߣߍ߬ ߞߎߦߊߕߍ߫ ߕߏ߬ߟߊ߲߬ߕߊ߲߬ ߓߙߊߞߣߍ ߞߣߐ߫߸ߏ߬ ߞߎ߲߭ ߞߍߣߍ߲߫(ߒߞߏ ߛߓߍߛߎ߲ ߛߌ߲ߘߌߓߊ߮ ߝߏߘߋ߫ ߛߟߏ߬ߡߊ߯ߣߊ߬ ߞߊ߲ߕߍ߫ ߣߴߊ߬ ߟߊ߫ ߞߊ߬ߙߊ߲߬ߘߋ߲ ߠߎ߬) ߞߏߢߌߡߊߟߐ߲ ߠߋ߬ ߘߌ߫߸ߝߘߊ߬ߝߌ߲߬ߠߊ߬ ߡߞߊߘߊ߲ ߘߐ߫. ߒߞߏ ߘߎ߲ߓߎ߫ ߝߘߏ߬ߓߊ߬ ߞߟߊ߬ߕߌ߮ ߘ. ߝ. ߖ. ߤߦߊ߫ ߡߊ߯ߘߌ߫ ߛߌ߬ߟߊ߫ ߟߋ߬ ߟߊ߫،ߒߞߏ ߘߎ߲ߓߎ߫ ߛߌ߲ߝߏ߲ ߠߎ߬ ߣߌ߫ ߝߘߏ߬ߓߊ߬ ߞߟߊ߬ߕߌ߰ ߛߙߍߞߍ ߓߊߟߊ߲ߘߎ߯ ߡߎߛߊ߫ ߖߊߟߏ߫ ߣߌ߫ ߛߊ߲ߞߊߙߊ߲߫ ߖߟߊߡߊ߲߫ ߛߍ߬ߓߍ߫ ߡߊ߰ߙߊ ߣߌ߫ ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫ ߣߌ߫ ߥߙߊ߬ߓߊ߬ ߖߘߊ ߞߏ߬ߣߊ߬ߕߍ߫ ߣߌ߫ ߞߊ߬ߙߊ߲߬ߡߐ߯ ߟߊ߬ߦߌ߬ߓߊ ߞߡߊ߬ߙߊ߫ ߣߌ߫ ߛߙߋ߫ ߡߊ߯ߘߌ߫ ߡߊ߲߬ߖߊ߲߬ ߓߙߋߕߋ߫ ߟߎ߫. ߖߡߊ߬ߞߎߘߎ߲߫߂ߟߋ߬ ߓߌ߬ߟߊ߬ ߘߊ߫ ߢߐ߲߮ ߠߊ߫:ߓߊߕߍ߫ ߣߝߊ߬ߖߌ߬ ߣߌ߫ ߞߟߐ߬ߣߍ߲߫.ߢߊ߰ߢߊ߮ ߡߐ߰ߓߊ߬ߦߊ ߕߘߍ߬ ߞߟߐ߬ߣߍ߲߬ ߛߋߞߎ߫ ߞߊ߲ߕߍ߫ ߟߋ߬ ߓߟߏ߫،ߡߍ߲ ߞߊ߬ ߒߠߋ ߓߙߋߕߋߗߍ ߞߓߊߞߏߦߊ߫ ߞߏ ߓߍ߯ ߘߌ߫߸ߞߟߐ߬ߣߍ߲߬ ߥߊߟߖߌ ߊߡߙߊ߫ ߞߊ߲ߕߍ߫ ߕߐ߯ߡߊ߲߫ ߘߏ߫ ߟߋ߬ ߕߘߍ߬ ߞߎߡߊߓߘߎ ߟߊ߫ ߣߴߊ߬ ߦߋ߫ ߞߟߌ߫ ߟߊ߫ ߞߏ߫(ߔߋ߲߬ߘߊ߬ߝߊ)ߏ߬ ߟߊ߫ ߞߊ߲߬ߞߎߡߊ ߒߞߏ ߘߐ߫߸ߥߟߊ߬ߘߊ߬ ߞߎߘߊ߫ ߟߋ߬ ߏ߬ ߘߌ߫ ߒߞߏ߫ ߞߊߙߊ߲ߘߋ߲ ߠߎ߬ ߢߍ߫،ߣߌ߲߬ ߞߍ߫ ߘߊ߫ ߖߊ߲߬ߖߏ߲߬ ߘߌ߬ߡߊ߲߬ߓߊ߫ ߟߋ߬ ߘߌ߫،ߓߊ߬ߙߌ߬ ߞߟߐ߬ߣߍ߲߬ ߡߓߊߟߌߡߊߓߊ߮ ߣߴߊ߬ ߡߊߘߍ߬ߡߍ߲߬ߓߊ߮ ߞߊ߫ ߛߌߦߊ߫ ߕߘߍ߬ ߢߊ ߓߍ߯ ߡߊ߬،ߕߙߊߟߖߊ߫ ߝߟߐ ߘߐ߫߸ߞߟߐ߬ߣߍ߲߫ ߞߵߌ ߛߌ߰ ߓߊߕߍ߫ ߣߝߊ߬ߖߌ߬ ߘߟߊ߫ ߕߙߍߜߘߍ߫،ߝߏ߫ ߊߟߊ߫ ߣߌ߫ ߛߘߊߞߊ߫ ߡߌߣߊ߫،ߕߙߊߟߖߊ߫ ߝߌߟߊߣߊ߲ ߘߊߡߌ߬ߣߊ ߛߊ߫߸
ߞߟߐ߬ߣߍ߲߬ߞߊ ߟߎ߫ ߛߍ߰ ߘߊ߫،ߞߊ߬ ߡߐ߱ ߟߎ߬ ߘߐߜߍ߬ߘߍ߲߬ ߝߏ߫ ߞߊ߬ ߞߊ߬ߙߊ߲߬ߡߐ߰ ߓߎߙߡߊ߫ ߞߊ߲ߕߍ߫ ߤߌߣߊ ߘߏ߲߬ ߒߠߋ ߟߊ߫،ߞߟߐ߬ߣߍ߲߫ ߡߏ߬ߛߏ ߡߍ߲ ߠߎ߬ ߕߘߍ߬ ߛߐ߲ߞߐ߫ ߛߐ߲߬߸ߏ߬ ߟߎ߫ ߞߵߊ߬ 
ߞߍ߫ ߟߋߎ߫߹ߦߴߌ ߓߊ߯ ߞߓߊ ߟߊߝߟߌ߬ ߕߏ߬ߘߌ ߟߎ߫ ߡߊ߬.ߞߊ߬ ߥߛߊ߬ ߞߊ߲ߕߍ߫ ߣߌ߫ ߝߊߘߌߡߊ߬ ߞߊ߲ߕߍ߫ ߕߎߣߎ߲߫ ߖߋߎ߲߫.ߕߏ߬ߟߊ߲ ߞߎ߲߬ߝߊ߰ ߘߊ߫ ߕߊ߲ߒߞߎ߲߭ ߠߋ߬ ߡߊ߬،ߞߟߐ߬ߣߍ߲߬ߞߊ ߟߎ߬ ߝߣߊ߫ ߞߵߏ߬ ߕߣߐ߬ߓߐ߫،ߣߌ߫ ߣߝߊ߬ߖߌ߬ߞߊ ߡߍ߲ ߓߊ߯ ߞߍ߫ ߕߊ߲ߜߊߦߌ ߕߊ߲߫ ߠߊ߫߸ߊ߬ߟߎ߬ ߘߌ߫ ߛߐ߲ߞߐߓߊ ߕߎ߬،ߏ߬ ߞߍ߸ߞߟߐ߬ߣߍ߲߫ ߞߊ߬ ߣߝߊ߬ߖߌ߫ ߘߊ߬ߘߌ߫ ߕߎ߭߂ߟߊ߫،ߢߊ߰ߢߊ߮ ߝߊ߬ ߘ. ߝ. ߖ. ߤߦߊ߫ ߡߊ߯ߘߌ߫ ߛߌ߬ߟߊ߫ ߞߊ߬ ߞߟߐ߬ߣߍ߲߬ ߘߋ߲ߡߌߛߍ߲ ߠߎ߬ ߟߊ߫ ߛߓߍߝߙߏߞߏ ߘߐߞߍ߫ ߖ. ߕ. ߞߋ߲߬ߥߟߎ߫߂ ߟߊ߫ ߡߐ߬ߟߐ߲߬ߕߌ߮ ߓߊߟߊ߲ߘߎ߯ ߡߎߛߊ߫ ߖߊߟߏ߫ ߞߙߊ߫ ߘߐ߫،ߞߊ߬ߙߊ߲߬ߡߐ߰ ߓߎߙߊߡߊ߫ ߞߊ߲ߕߍ߫ ߟߋ߬ ߞߊ߬ ߖߋ߬ߓߌ߬ߟߌ ߞߍ߫ ߞߟߐ߬ߣߍ߲߬ ߕߐ߯ ߘߐ߫،ߞߵߊ߬ ߦߌ߬ߘߊ߬߸ߞߏ߫ ߝߏ߫ ߕߏߟߏ߲ ߣߌ߲߬ ߦߋ߫ ߘߐߦߙߌߥߊ߫ ߟߋ߬ ߝߋ߲ߜߋ߲߫،ߒߠߋ ߣߌ߫ ߒ ߘߋ߲ߞߍ߫ ߛߙߋ߫ ߡߊ߯ߘߌ߫ ߓߙߋߕߋ߫ ߞߵߊ߲ ߘߏ߲߰ ߠߋ߬ ߞߟߐ߬ߣߍ߲߬ߞߊ ߟߎ߬ ߟߊ߫ ߢߊߞߘߐߡߊߢߊ߯ߙߌ ߞߘߐ߫.ߞߊ߬ ߖߌߟߊߝߍ ߘߌ߫ ߊ߬ߟߎ߫ ߡߊ߬. ߕߐ߬ ߡߊ߫ ߕߏߟߏ߲ ߠߊ߫.ߓߊߕߍ߫ ߣߝߊ߬ߖߌ߫ ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫ ߟߊ߫ ߘߊ߲߬ߕߍ߰ߟߌ ߟߋ߬.
ߖߌ߬ߣߍ߬ ߞߊ߲ߓߍ߲ ߛߌ߬ߟߡߊ߬ߦߊ ߞߏߘߐߛߘߌߘߊ ߓߘߴߊ߬ ߟߊߥߊ߲߬ߞߊ߲߬ ߞߏ߫ ߛߌߣߌ߲߫ ߠߋ߬ ߛߎ߲ߞߊߙߏ߫ ߛߊߟߌ ߘߌ߫ ߖߌ߬ߣߍ߬ ߞߊ߲ߓߍ߲ ߘߎ߰ߞߟߏ ߞߊ߲߬ ߂߀߁߇ ߥߊ߬ߛߌߥߊ߬ߙߊ ߕߋ߬ߟߋ߫ ߂߅ߡߊ߬،ߡߊ߰ߙߌ ߦߋ߫ ߛߎ߲ߞߊߙߏ߫ ߜߘߍ߫ ߦߌ߬ߘߊ߫ ߒ߬ ߞߍ߲ߘߍ߫ ߟߊ߫ ߹ߏ߬ ߓߘߊ߫ ߞߍ߫ ߞߎߦߊߕߍߟߞߊ ߟߎ߬ ߛߍߥߊ߫ ߞߏߓߊ߫ ߘߌ߫. ߖߘߍ߬ߞߟߏ߬ߟߊ ߓߍ߯ ߛߊߟߌߡߊߝߏ߫߹ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫
ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߕߊ߯ߣߍ߲߫ ߕߍߓߊ߯ߦߊ ߣߌ߫ ߓߊ߯ߙߊߢߐ߲߯ߦߊ ߛߌߟߊ߫ ߞߎߘߊ߫ ߟߋ߬ ߕߋ߬ ߦߙߐ ߖߌ߬ߣߍ߬ ߣߌ߫ ߣߌߔߐ߲߫ ߕߍ߫(ߗ߭ߊߔߐ߲߫) ߞߊ߬ߣߌ߲߬،ߞߊ߬ߙߊ߲߬ߝߊ ߞߊ߬ ߛߊ߲ߡߊߞߎߟߎ߲ ߕߊ߬ ߞߍ߲ߘߍߟߏ߲ ߥߊ߬ߛߌߥߊ߬ߙߊ ߕߟߋ߬߁߇ߟߋ߫ ߡߊ߬.ߊ߬ ߣߌ߫ ߣߌߔߐ߲߫ ߡߊߣߊ߲ߞߎ߲ߕߌ߮ ߟߎ߬ ߘߌ߫ ߢߐ߲߮ ߦߋ߫߸ߊ߬ ߞߎߡߊߞߍߓߏ߲ ߘߌ߫ ߢߐ߲߮ ߦߋ߫߸ߊ߬ ߣߌ߫ ߞߏߕߌ߯ ߝߟߐ ߝߣߊ߫ ߘߌ߫ ߢߐ߲߮ ߦߋ߫. ߝߏ߫ ߊߟߎ߫ ߦߴߊ߬ ߟߐ߲߫ ߞߏ߫߸ߘߊ߬ߟߎ߬ߞߍ߲ߘߍ 
ߝߐ߰ߓߍ ߟߊ߬ߖߍ߲߬ߛߍ߲߬ߠߌ߲ ߗߋߕߌ߮ ߞߊ߬ߙߊ߲߬ߡߐ߰ ߘ. ߝ. ߖ. ߤߦߊ߫ ߡߊ߯ߘߌ߫ ߛߌ߬ߟߊ߬ ߞߊ߲ߕߌ߮ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊߞߊ߲ߘߊߓߊ߮ ߣߴߊ߬ ߓߊ߯ߙߊߢߐ߲߮ ߠߋ߬ ߘߌ߬߸ߊߟߎ߫ ߦߋ߫ ߘߊ߲߬ߕߍ߰ߟߌ߬ ߖߏߣߊ ߞߊ߬ߙߊ߲߬:ߊ߲ ߓߐ߫ ߘߊ߫ ߞߐߣߊߞߙߌ߫ ߖߎߡߊߟߏ߲ ߅߲ ߁߆ ߂߀߁߇ ߁߉ߙߋ߲ ߡߌ߬ߛߍ߲߫ ߂߅ ߝߊ߬ߙߊ߲߬ߛߌ߬ ߛߊ߲ߡߊߞߎߟߎ߲ ߞߣߐ߫ ߞߊ߬ ߣߐߞߑߛߐߕ ߡߊߜߍ߲߫ ߸ ߣߴߏ߬ ߦߋ߫ ߡߏߙߌߕߊߣߌ߲߫ ߞߎߓߋߘߊ ߘߌ߫ ߕߎ߬ߡߊ߬ߙߋ߲߬ ߁ ߣߌ߫ ߡߌ߬ߛߍ߲߫ ߂߅ ߓߏ߬ߙߌ ߞߐ߫ ߸ ߞߊ߬ ߖߌߥߎ ߕߊ߬ ߦߋ߲߬ ߞߊ߬ ߥߟߌ߬ ߂߂ߙߋ߲ ߠߊ߫ ߞߊ߬ ߔߊ߬ߙߌ߬ ߡߊߜߍ߲߫ ߸ ߊ߲ ߘߏ߲߬ ߘߊ߫ ߔߊ߬ߙߌ߫ ߛߐ߰ߡߊ߬ߘߊ߬ ߖߍ߲ߓߎߙߍ߲ ߝߍ߬ ߅ߙߋ߲ ߠߋ߬ ߟߊ߫ ߸ ߞߊ߬ ߕߎ߬ߡߊ߬ߙߋ߲߫ ߉ ߞߍ߫ ߕߍ߲ߘߊ߲ ߠߊ߫ ߦߋ߲߬ ߸ ߞߊ߬ ߓߊ߲߫ ߞߊ߬ ߓߐ߫ ߦߋ߲߬ ߁߄ߙߋ߲ ߠߊ߫ ߞߊ߬ ߕߐ߲ߞߍ ߟߎ߬ ߟߊ߫ ߞߎߓߋߘߊ ߡߊߜߍ߲߫ ߣߴߏ߬ ߦߋ߫ ߕߏߞߌߦߏ߫ ߘߌ߫.
ߒ߬ߓߊ߬ ߏ߬ ߛߌ߰ߛߊ߮ ߞߊ߬ ߖߊ߲߬ ߞߊ߬ ߕߊ߬ߡߌ߲߬ ߊ߬ ߓߍ߯ ߞߊ߲߬ ߸ ߓߊ ߏ߬ ߓߍ߲߬ ߘߊ߫ ߕߎ߬ߡߊ߬ߙߋ߲߬ ߁߁ ߓߏ߬ߙߌ ߟߋ߫ ߡߊ߬ ߞߣߊ߬ ߘߏ߲߬ ߗ߭ߊߔߐ߲߫ ߞߎߓߋߘߊ ߟߊ߫ ߈ߙߋ߲ ߠߊ߫ ߛߐ߰ߡߊ߬ߘߊ ߟߊ߫.ߡߍ߲ ߓߊ߯ ߓߐ߫ ߕߊ߯ߡߊ ߘߐ߫߸ߒ ߘߴߏ߬ ߞߌ߬ߦߵߊߟߎ߫ ߡߊ߬. ߘ. ߝ. ߖ. ߤߦߊ߫ ߡߊ߯ߘߌ߫ ߛߌ߬ߟߊ߫ ߟߊ߫ ߘߊ߲߬ߕߍ߰ߟߌ ߢߍߓߌߟߊ ߟߋ߬ ߕߏߞߌߦߏ߫.
ߢߞߵߊ߬ ߟߊߛߋ߫ ߞߌߢߍ߲߫ ߒߞߏ ߘߌ߲߬ߞߏ ߓߍ߯ ߡߊ߬ ߞߐߘߍ߫߸ߞߏ߫ ߒ߬ ߣߊ߫ ߡߛߏߞߘߐ ߣߊ߲ߞߐ߬ߙߌ߬ߦߊ߫ ߛߊ߬ߞߐ߫ ߟߋ߬ ߣߊ߬ ߡߊ߰ߙߌ߬ߓߊ ߟߊ߫ ߞߟߌߟߌ ߟߊߡߌ߬ߘߊ߬ ߟߊ߫ ߞߐ߬ߟߏ߲ ߂߀߁߇ ߥߊ߬ߛߌߥߊ߬ߙߊ ߕߟߋ߬߆ߡߊ߬߸ߝߣߊ߬ߝߣߊ߬ߞߐ߫،ߛߌ߯ߙߌ߲߫ ߡߊ߬ߙߊ ߘߐ߫.
ߣߊߞߏ߬ߙߌ߬ߦߊ߫ ߛߊ߬ߞߐ߬ ߸ ߡߊ߬ߟߊߦߌ߫ ߛߊ߬ߞߐ߬ ߣߌ߫ ߡߌߣߕߊ߫ ߞߊ߲ߕߍ߫ ߘߋ߲ ߠߋ߬ ߕߘߍ߬ ߸ ߊߟߡߊ߬ ߘߌ߬ߢߍ߬ ߞߍ߫ ߘߴߊ߬ߟߎ߬ ߓߍ߯ ߡߊ߬ ߸ ߞߵߏ߬ ߟߴߊ߬ ߝߘߎߗߍ ߕߙߍ߬ߣߊ߬ ߟߊߡߌߣߌ߲߫ ߞߎ߬ߟߌߓߊ߬ߟߌ߫ ߞߊ߲߬ ߸ ߞߊ߬ߙߊ߲߬ߡߐ߯ ߝߣߊ߬ߝߣߊ߬ߞߐ߬ ߌߛߊ߫ ߖߍ߬ߘߍ ߛߐ߬ߘߐ߲߬ ߝߊ ߟߴߏ߬ ߘߌ߫. ߞߊ߬ ߡߊ߰ߙߌ߬ߓߊ ߣߍߡߴߊ߬ߟߎ߬ ߓߍ߯ ߡߊ߬ ߞߐߘߍ߫߹߹߹
ߒߞߏ ߘߎ߲ߓߎ ߟߊ߫ ߟߊ߬ߛߋ߬ߟߌ ߟߋ߬.
ߛߌ߯ߙߌ߲߫ ߒߞߏߡߐ߮ ߟߎ߫ ߛߎ߰ߣߎ߲߬ߣߍ߲ ߦߴߊ߬ ߟߊߛߋ߫ ߟߊ߫ ߞߌߢߍ߲߫ ߒߞߏ ߘߌ߲߬ߞߏ ߓߍ߯ ߡߊ߬ ߞߏ߫ ߊ߲ ߞߙߊ߬ߡߐ߰ ߣߴߊ߲ ߓߊ߯ߙߊߢߐ߮ ߣߴߊ߬ ߦߋ߫ ߝߣߊ߬ߝߣߊ߬ߞߐ߫ ߌߛߊ߫ ߞߎ߬ߟߌߓߊ߬ߟߌ߫ ߘߌ߫߸ߣߴߊ߬ ߦߋ߫ ߡߊ߬ߖߌ߮ ߊߛߑߔߊ߲߫،ߏ߬ ߛߐ߬ߘߐ߲߬ ߣߊ ߟߋ߬ ߣߐ߬ ߡߊ߰ߙߌ ߟߊ߫ ߞߟߌߟߌ ߟߊߡߌ߬ߘߊ߬ ߟߊ߬ ߞߎߣߎ߲߬ ߞߐ߬ߓߊ߬ߟߏ߲ ߡߊ߬ ،ߥߊ߬ߛߌߥߊ߬ߙߊ ߕߟߋ߬ ߆/߂߀߁߇ ߟߊ߫ ߞߴߊ߬ ߛߌ߭ ߕߏ߫ ߛߊ߲߬ ߇߅ ߖߊ߬ߕߋ߬ ߘߐ߫،ߛߊ߬ߓߊ߰ߕߐ ߣߌ߲߬ ߕߐ߯ ߟߋ߬ ߕߘߍ߬ ߞߏ߫ ߣߊߞߏ߬ߙߌ߬ߦߊ߫ ߛߊ߬ߞߐ߬ ߸ ߡߊ߬ߟߊߦߌ߫ ߛߊ߬ߞߐ߬ ߣߌ߫ ߡߌߣߕߊ߫ ߞߊ߲ߕߍ߫ ߘߋ߲ ߠߋ߬ ߕߘߍ߬ ߸ ߊߟߡߊ߬ ߘߌ߬ߢߍ߬ ߞߍ߫ ߘߴߊ߬ߟߎ߬ ߓߍ߯ ߡߊ߬ ߸ ߞߵߏ߬ ߟߴߊ߬ ߝߘߎߗߍ ߕߙߍ߬ߣߊ߬ ߟߊߡߌߣߌ߲߫ ߞߎ߬ߟߌߓߊ߬ߟߌ߫ ߞߊ߲߬ ߸ ߣߴߊ߬ ߦߋ߫ ߞߙߊ߬ߡߐ߰ ߌߛߊ߫ ߖߍ߬ߘߍ ߛߐ߬ߘߐ߲߬ ߝߊ ߟߴߏ߬ ߘߌ߫،ߊ߲ ߧߋ߫ ߓߍ߯ ߕߙߊ߫ ߟߊ߫ ߕߌ߲ߞߌ߫ ߓߎ߰ߓߎ߰ߣߍ߲ ߠߎ߬ ߟߴߊ߲ ߣߊ߫ ߦߋ߫، ߞߊ߬ ߛߎߟߊ߫ ߣߐ߰ߦߴߊ߬ ߡߊ߬ ߞߌߢߍ߲߫ ߘߌ߫،ߞߵߏ߬ ߓߍ߯ ߟߊ߫ ߣߍߡߊ ߣߊߞߐ ߘߐߘߏ߲߬ߠߌ߲ ߞߊ߲߬ ،ߞߵߊ߲ ߝߣߊ߫ ߘߐߓߍ߲߬ ߊ߲ ߕߊ߫ ߟߏ߲ ߧߍ߫ ߛߊ߬ߓߊ߰ߕߐ ߘߋ߲ߞߍ߫ ߞߏߝߐ߫ ߞߎ߲߫ ߕߍ߫ ߡߐ߰ ߛߌ߫ ߦߋ߫ ߡߎ߬ߕߎ߲߬ ߒߞߏߡߐ߮ ߟߎ߬ ߘߐ߫ ،ߓߊߏ߬ ߊ߬ ߦߋ߫ ߘߊ ߡߍ߲ ߠߊ߫ ߒߞߏߞߏ ߘߐ߫߸ߏ߬ ߕߍ߫ ߓߊ߲߫ ߡߊߘߊ߲߫ ߠߊ߫.
ߖߌ߯ߓߊ߫ ߛߙߋ߬ߝߎ߬ ߓߟߏ߫ ߛߌ߯ߙߌ߲߫
ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ(ߛߋߘߋߦߊߥߏ)ߞߊ߬ ߜߊ߬ߙߊ߫ ߣߝߊ߬ߡߊ ߘߏ߫ ߞߍ߫ ߤߙߐߘߎ߯ ߞߎߓߋߘߊ ߟߊ߫ ߡߐ߰ߙߐߝ߭ߌ߬ߦߊ߫߸ߥߊ߬ߛߌߥߊ߬ߙߊ ߕߟߋ߬߄ߡߊ߬،ߜߊ߬ߙߊ ߣߌ߲߬ ߢߣߊߓߊ߯ߦߊ߫ ߘߊ߫ ߟߋ߬ ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍߣߑߦߊߡߌߣ ߣߌߕߊߣߑߦߊߤߎ߫ ߓߟߏ߫.ߜߊ߬ߙߊ ߞߎ߲߬ߕߐ߮ ߕߘߍ߬ ߖߛߎ߬ߛߎߡߊ ߣߌ߫ ߖߐ߫ ߟߊߛߓߊ߬ߕߌ ߟߋ߬ ߘߌ߫.ߕߌ߲߬ߞߎߘߎ߲ ߞߣߐ߫،ߝߏ߫ ߊߟߎ߫ ߦߴߊ߬ ߟߐ߲߫߸ߞߏ߫ ߛߟߊߕߌ߮ ߣߌߕߊߣߑߦߊߤߎ߫ ߞߊ߬ ߝߘߊ߬ߝߌ߲߬ߠߊ߫ ߕߟߋ߬ߓߐ߬ ߖߡߊ߬ߣߊ ߟߎ߬ ߘߐߦߊ߯ߟߊ߫ ߟߋ߬߂߀߁߆ ߞߊ߬ߙߌߝߐ߭ ߟߊ߫،ߤߙߐߘߎ߯ ߞߊ߲ߕߌ߯ ߡߛߏ ߡߍ߲ ߦߋ߫(ߛߋߘߋߦߊߥߏ)ߞߊ߲ߕߌ߯ߦߊ ߟߊ߫ ߕߋ߲߬߸ߏ߬ ߟߋ ߞߊ߬ ߓߍ߯ ߟߊߞߢߐ߬ߡߊ߫.ߓߐ߬ߟߐ߲߬ߞߊ ߟߊ߫ ߝߏ߬ߟߌ ߛߐ߰ ߘߊ߫ ߛߌ߲߬ߝߏ߲߬ ߖߡߊߣߊ ߟߎ߬ ߞߎߟߎ߲ߖߋ߫ ߟߋ߬ ߡߊ߬߸ߓߍ߯ ߛߋߞߏ߫ ߞߍ ߘߐ߫ ߞߊ߬ ߖߛߎ߬ߛߎߡߊ ߟߊߘߏ߲߬ ߤߙߐߘߎ߯ ߛߏߞߣߐ߫ ߞߟߍ ߕߎ߬ߡߊ ߟߊ߫߁߉߈߉ߣߌ߫ ߂߀߀߃ߕߍߟߊ ߘߐ߫.ߊ߬ ߞߙߊ ߛߋ߫ ߘߊ߫ ߓߊߓߐߒߡߟߊ ߟߎ߬(ߕߋߙߏߙߌߛ) ߟߊ߫ ߞߏ ߝߣߊ߫ ߡߊ߬،ߘߍ߭ ߓߘߊ߫ ߛߍ߬ߘߏ߲ ߡߍ߲ ߞߍ߫ ߏ߬ ߟߎ߫ ߞߍ߬ߟߍ ߘߐ߫ ߕߌ߲߬ߞߎߘߎ߲ ߞߣߐ߫.ߊ߬ ߣߌ߫ ߜ߭ߊ߲ߓߌ߫ ߓߘߍ߬ߓߘߍ߬ߟߌ߬ ߝߙߋߞߋ ߘߊ߲ߘߊ ߘߐ߫߸ߣߊߟߌ߬ߡߎ߲߫ ߦߊߦߊ߬ ߖߊ߬ߡߍ߫ ߕߊ߭ ߘߌ߫ ߞߵߊ߬ ߓߐ߫ ߞߊ߲ߕߌ߯ߦߊ ߟߊ߫߸ߞߟߏ߫ ߡߊ߫ ߞߊߘߌ߫ ߝߛߊ߬ ߡߊ߫ ߕߍ߰،ߊ߬ ߣߌ߫ ߖߌ߬ߣߍ߫ ߓߌ߬ߛߊߥߏ߫ ߞߏߖߊ ߣߌ߫ ߡߊ߬ߟߌ ߞߐ߰ߘߎ߮ ߣߌ߫ ߖߋ߬ߟߌ߬ߓߊ߬ߘߎ߯ ߣߌ߫ ߓߙߎߞߌߣߊ߫ ߣߌ߫،ߊ߬ ߣߌ߫ ߜߋ߲-ߞߐ߰ߖߌ߬ߘߊ ߞߏߖߊ ߡߍ߲ ߘߊ߲ߘߊ߫ ߛߊ߲ ߦߋ߫ ߣߌ߲߬.ߞߊ߬ ߖߌߣߍ߫ ߓߌߛߊߥߏߞߊ ߟߎ߬ ߡߊߛߙߊ߬߸ߞߐߣߊߞߙߌ߫ ߓߍ߲߬ߡߊ߬ߞߊ߲ ߠߎ߬ ߓߟߏߦߊ ߟߊ߫.
ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍߣߑߦߊߡߌߣ ߣߌߕߊߣߑߦߊߤߎ߫ ߟߊ߫ ߢߣߊߓߊ߯ߦߊߟߌ ߣߌ߲߬ ߓߘߴߊ߬ ߦߌ߬ߘߊ߬߸ߞߏ߫ ߋߓߙߋ߫ ߖߡߊߣߊ ߣߌ ߦߋ߫ ߝߘߊ߬ߝߌ߲߬ߠߊ߬ ߟߊ߫ ߕߍߓߊ߯ߦߊ ߝߊ߲߬ߞߊߘߏ߲߭ ߞߊ߲߬ ߕߋ߲߬ ߞߏߛߓߍ߫.ߊ߬ ߜߋ߲ߜߋ߲߫ ߊ߬ߟߎ߬ ߣߌ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߭ ߟߊ߫ ߕߍߓߊ߯ߦߊ،ߌߛߌ߬ߙߊ߬ߌߟߊ߫ ߣߊ߬ߕߐ߫ ߜߊ߬ߙߊ ߘߏ߫ ߛߌ߲߬ߝߏ߲߬ߧߊ߬ ߟߊ߫ ߕߜ߭ߏ߫ ߞߏ߲ߓߌߕߌ߮ ߣߊ߬ߕߐ ߟߊ߫߸ߞߏ߫ ߊ߬ ߢߌߣߌ߲ߣߍ߲߫ ߓߍ߯ ߞߍ ߘߐ߫ ߞߵߏ߬ ߢߣߊߓߊ߯ߦߊ߫.ߜߊ߬ߙߊ ߏ߬ ߞߎ߲߬ߕߐ߮ ߟߋ߬ ߞߏ߫(ߌߛߌ߬ߙߊ߬ߌߟߊ߫ ߣߌ߫ ߊߝߙߌߞߌ߬ ߕߍ ߜߊ߬ߙߊ)
ߡߊ߬ߙߐߞߎ߬ ߡߊ߲߬ߛߊ߬ߞߍ ߝߣߊ߫ ߟߊ߫ ߟߊ߬ߢߌ߬ߣߌ߲߬ߠߌ߲߬ ߛߓߍ߫ ߝߣߊ߫ ߟߊߘߏ߲߬ ߘߊ߫߸ߛߴߊ߬ߟߎ߬ ߘߌ߫ ߟߊߘߏ߲߬(ߛߋߘߋߦߊߥߏ)ߘߍ߬ߓߊ ߘߐ߫،ߓߊ߬ߙߌ߬߸ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߟߊ߫ ߣߊ߬ߟߌ ߟߋ߫ ߞߊ߬ ߡߊ߬ߙߐߞߎ߬ ߡߊ߲߬ߛߊ߬ߞߍ ߟߊ߫ ߣߊ߬ߟߌ ߘߐߛߊ߬.ߊ߬ߟߎ߬ ߘߌߣߊ߬ ߡߊ߬ߙߐߞߎ߬ ߟߊߘߏ߲߬ߞߏ ߘߐߢߌߡߌ߲߫.ߘߎߢߊ߫ ߝߊ߲߬ߞߊ߬ߡߊ ߟߎ߬ ߛߊ߯ߛߊ߮(ߛߋߘߋߦߊߥߏ) ߞߐ߫ ߣߌ߲߬ ߢߊ߸ߏ߬ ߓߘߴߊ߬ ߦߌ߬ߘߊ߬ ߞߏ߫ ߡߐ߬ߟߐ߲ ߖߍ߬ߘߍ ߟߋ߬ ߘߍ߭ ߟߊ߫ ߕߋ߲߬،ߜߊ߬ߙߊ ߓߍ߲߬ ߘߴߊ߬ ߡߊ߬߸ߞߏ߫ ߡߊ߬ߙߐߞߎ߬ ߓߘߊ߫ ߝߙߊ߬(ߛߋߘߋߦߊߥߏ) ߛߌ߲߬ߝߏ߲߬ ߖߡߊ߁߅ߞߊ߲߬߸ߞߵߊ߬ ߞߍ߫ ߖߡߊ߬ߣߊ߬߁߆ߘߌ߫،ߜߊ߬ߙߊ ߞߊ߬ ߕߜ߭ߏ߫ ߞߊ߲ߕߌ߮ ߝߐߙ ߋߢߊߛߋ߲ߜߋ߫ ߟߋ߬ ߛߎߥߊ߲ߘߌ߫ ߞߊ߲ߕߌ߯ ߞߎߘߊ ߘߌ߫.ߡߐߙߌߕߊߣߌ߲߫ ߡߍ߲ ߞߵߌ ߓߐ߫ ߛߋߘߋߦߊߥߏ ߘߐ߫߂߀߀߂ߞߏ߫ ߊ߬ߟߋ ߦߋ߫ ߊߙߊߓߎ߫ ߡߊߜ߭ߙߍߓߎ߫ ߖߡߊߣߊ ߟߋ߬ ߘߐ߫ ߛߍߣߍ߲߬߸ߏ߬ ߝߣߊ߫ ߓߘߴߊ߬ ߟߊߢߌߣߌ߲߫߸ߞߏ߫ ߞߵߊ߬ ߞߍ߫ ߛߋߘߋߦߊߥߏ ߞߏߟߊߘߍߢߐ߲߯ ߛߌ߲ߝߏ߲ ߘߌ߫،ߊ߬ߟߎ߫ ߞߵߏ߬ ߖߋ߬ߓߌ߬߸ߞߏ߫ ߛߌ߲߬ߝߏ߲߬ ߞߘߐ ߟߋ߬߸ߞߏ߫ ߣߴߊ߬ ߦߋ߫ ߘߏ߲߬ߞߏ ߘߐ߫߸ߊ߰ ߘߏ߲߬،ߕߎߣߖ߭ߌ߫ ߝߣߊ߫ ߓߘߴߊ߬ ߟߊߢߌߣߌ߲߫߸ߞߏ߫ ߞߵߊ߬ ߞߍ߫ ߟߊ߬ߞߙߐ߬ߛߌ߬ߟߌ߬ ߛߌ߲ߝߏ߲ ߘߌ߫. ߛߌ߬ߟߊ߬ ߡߊ߯ߘߌ߫ ߓߙߋߕߋ߫ ߟߊ߫ ߘߊ߲߬ߕߍ߰ߟߌ ߟߋ߬.
ߛߣߍ߬ߜ߭ߊߟߌ߫ ߓߊ ߛߌ߲߬ߝߏ߲߬ ߖߡߊ߬ߣߊ߬߄ߠߊ߫ ߜߊ߬ߙߊ߁߇߲ߠߋ߬ ߞߍ߫ ߘߊ߬ ߖߌ߬ߣߍ߬ ߞߐߣߊߞߙߌ߫ ߘߓߊ߬ߕߊ ߕߟߋ߬߁߇ߡߊ߬߸ߡߏߙߌߕߊߣߌ߲߫ ߞߊ߲ߕߌ߮ ߊߓߘߎߟߑߊߖ߭ߌߖ߭ ߣߌ߫ ߡߊ߬ߟߌ ߞߊ߲ߕߌ߮ ߌߓߎߙߊߤߌߡ ߓߎߓߞߊߙ ߞߋߕߊ߬ (ߌߓߋߞߊ) ߣߌ߫ ߛߣߍ߬ߜ߭ߊߟߌ߫ ߞߊ߲ߕߌ߮ ߡߊߞߌ߫ ߛߊߟ ߛߣߍߡߊ߫ ߘߊ߫ ߟߋ߬߸ߞߵߏ߬ ߟߊ߫ ߊߝߙߌߞߌ߬ ߞߋ߬ߟߋ߲߬ߧߊ ߣߌ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߞߊ߲߬،ߜߊ߬ߙߊ ߞߎߡߊ߫ ߘߊ߫ ߞߏ߫ ߃ ߟߋ߫ ߞߊ߬:߁߭)ߛߣߍ߬ߜ߭ߊߟߌ߫ ߓߊ ߟߊߞߊ߲ߘߊߞߏ ߓߐ߰ߝߍ ߡߊ߬ߘߎ߮ ߘߐ߫،߂߲)ߘߍ߭ ߞߣߐߘߐ ߢߊߞߎߘߦߊߟߌ،߃߲)ߢߎߡߍߓߊߟߊ߲ ߘߏ߫ ߟߐ߬ߞߏ߸ߛߊ߫ ߢߎߡߍ ߘߌ߫ ߖߡߊ߬ߣߊ߬ ߄ ߢߌ߲߬ ߠߎ߬ ߘߓߐ߫:ߡߏߙߌߕߊߣߌ߲߫߸ߡߊ߬ߟߌ߬ߓߊ߸ߛߣߍ߬ߜ߭ߊߟߌ߫߸ߖߌ߬ߣߍ߬ ߞߊ߲ߓߍ߲.ߓߍ߲߬ ߞߍ߫ ߘߊ߫ ߢߎߡߍߓߊߟߊ߲ ߡߍ߲ ߟߐ߬ߞߏ ߡߊ߬߸ߏ߬ ߝߊ߲߬ߞߊ ߦߋ߫(ߡߋߜ߭ߊ߫ ߥߊߕ߃߀߀) ߟߋ߬ ߘߌ߫،ߏ߬ ߟߐ߬ߕߐ߫ ߞߎߞߎߕߊ߲ߓߊ߫ ߛߎߙߎ߲ߘߎ ߟߋ߬ ߞߊ߲߬ ߕߎߜ߭ߋ߬ ߡߙߊ߬ߓߊ߰ߘߊ ߟߊ߫ ߖߌ߬ߣߍ߬ ߞߊ߲ߓߍ߲ ߞߣߐ߫.ߖߌ߬ߣߍ߬ ߞߏߕߌ߯ ߝߟߐ߫ 
ߞߘߐ ߛߟߊߕߌ߮ ߞߊ߰ߓߌ߬ߣߍ߫ ߞߏ߬ߡߊ߬ߙߊ߫ ߡߍ߲ ߕߘߍ߬ ߘߍ߭ ߞߊ߲ߕߌ߯ߦߊ ߟߊ߫߸ߏ߬ ߟߊ߫ ߟߐ߬ߒ߬ߞߋ߬ߟߊ ߓߘߊ߫ ߓߊ߲߫ ߛߊ߲߬ ߄ ߕߊ߬ߡߌ߲߬ߣߍ߲ ߞߐ߫،ߏ߬ ߓߘߊ߫ ߣߐ߬ߘߐߓߌ߬ߟߊ߬ ߡߐ߰ ߜߘߍ߫ ߟߊ߫.ߜߊ߬ߙߊ ߣߌ߲߬ ߣߊ߬ߝߊ ߥߙߊ߬ ߘߊ߫ ߞߏߛߓߍ߫߹ߤߊߟߵߊ߬ ߘߊ߲߬ ߘߊ߫ (ߓߊߝߌ߲) ߟߊߞߊ߲ߘߊߞߏ ߡߊ߬ ߓߐ߰ߝߍ ߛߌߟߊ ߝߍ߬،ߛߣߍ߬ߜ߭ߊߟߌ߫ ߕߐ߯ߟߊߣߍ߲߫ ߓߊ ߏ߬ ߡߍ߲ ߠߊ߫ ߕߎ߬ߓߊ߬ߓߎ ߟߎ߬ ߓߟߏ߫ ߸ߞߏ߫(ߝߑߟߏߝ߭ ߛߣߋߜ߭ߊߟ). ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫ ߟߊ߫ ߘߊ߲߬ߕߍ߰ߟߌ ߟߋ߬.
(ߎ߳. ߍߝ. ߘߋ. ߗ߭ߋ) 
ߞߙߎߞߊ ߡߍ߲ ߥߊ߬ߣߊ ߦߋ߫(ߞߕߐ߫ ߛߋߟߎ߫ ߘߊߟߍ߲߬ ߖߊߟߏ߫ ߘߌ߫߸ߞߙߎߞߊ ߏ߬ ߛߌ߲߬ߝߏ߲߬ ߞߟߏߡߊ ߡߍ߲ ߕߐ߯ ߞߏ߫ ߊߡߊߘߎ߫ ߎ߯ߙߌ߬ ߓߊ(ߊ߲ߕߌߟߏ߫)߸ߏ߬ ߓߘߊ߫ ߓߙߐߕߐ߫ ߝߊ߲߬ߞߊ ߛߌ߬ߣߊ ߕߐ߲(ߎ߳. ߍߝ. ߘߋ. ߗ߭ߋ) ߘߐ߫߸ߞߊ߬ ߕߊ߯ ߘߏ߲߬ ߝߊ߲߬ߞߊ߬ ߕߐ߲ (ߖ. ߡ. ߟ.ߞߟߐ߬ߟߐߓߊ) ߘߐ߫ ߓߌ߬ ߂߀߁߇ߘߓߊ߬ߕߊ߁߃ߡߊ߬،ߊ߬ ߛߐ߰ ߘߊ߫ ߦߝߊ߬ ߘߊߟߌ ߟߋ߬ ߡߊ߬߸ (ߖ. ߡ. ߟ.ߞߟߐ߬ߟߐߓߊ)ߝߍ߬߸ߊ߬ ߓߘߊ߫ ߞߍ߬ߟߍ ߡߍ߲ ߟߊ߫ ߏ߬ ߟߎ߫ ߞߊ߲߬ ߊ߬ߙߊ߬ߕߏ߬ߡߊ߫ ߞߊ߬ߝߏ߬ߙߋ߲ ߞߣߐ߫ ߞߐߣߊߞߙߌ߫،ߞߏ߫ ߞߊ߲ߕߌ߮ ߊߟߌߝߊ߫ 
ߞߐ߲ߘߍ߫ ߘߌ߫ ߛߋ߫ ߖߡߊ߬ߣߊ ߣߌ߲߬ ߓߊ߯ߙߊ߫ ߟߊ߫߸ߊ߬ ߣߴߊ߬ ߟߊ߫ ߞߙߎߞߊߘߋ߲ ߠߎ߬ ߢߊ߬ߣߌ߲߬ߞߋ ߜߍߣߍ߲߫ ߝߣߊ߫. ߞߏ߫ ߊ߬ߟߋ ߕߍ߬ߘߍ߫ ߓߊ߬ߙߏ߲߬ߡߊ߬ ߓߟߋߓߟߋ ߟߋ߬ ߘߌ߫ ߝߊ߲߬ ߘߴߏ߬ ߝߍ߬،ߞߏ߫ ߕߎ߬ߢߊ ߟߊ߫ ߝߐߟߌ ߘߐ߫߸ߞߏ߫ ߛߋߟߎ߫ ߘߊߟߍ߲߬ ߖߊߟߏ߫ ߕߍ߫ ߛߋ߫ ߝߌ߬ߦߌ߬ ߟߊ߫ ߡߎ߬ߕߎ߲߬.ߣߌ߲߬ ߦߋ߫ ߕߐ߰ߡߊ߬ߛߙߋ߬ ߢߌߡߊ߫.ߘߌ߫߸ߞߊߕߙߍ߬ ߞߙߎߞߊ ߡߊ߬.ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫.
ߛߌ߲߬ߝߏ߲߬ߘߊ ߡߍ߲ ߢߎ߲ߣߍ߲߫ ߝߎ߲ߘߟߌ ߛߊ߬ߙߌ߬ߦߊ߬ߒߕߊ߲ ߞߍ߬ߟߍ ߟߊ߫߸(ߌߡߌߞߙߊߛߌߦߐߜ߭ ߞߑߟߊ߲ߘߍߛߑߕߌߣ) ߏ߬ ߖߋ߬ߓߌ߬ߦߊ߬ߟߊ ߘߏ߫ ߞߵߊ߬ ߟߊߛߋ߫ ߞߎߣߎ߲߬ ߂߀߁߇ ߘߓߊ߬ߕߊ ߕߋ߬ߟߋ߫ ߉ ߡߊ߬߸ߞߏ߫ ߝߎ߲ߘߌߓߊ߯ߕߐ߫ ߡߐ߰߈߀߀߀ߣߌ߫ ߞߐ߫ ߟߋ߬ ߟߊߡߊ߲߬ߘߌ߬ߣߍ߲߫ ߥߛߎ ߟߊ߫ ߟߓߌ߫ ߖߡߊ߬ߣߊ ߞߣߐ߫ ߕߋ߲߬߸ߘߊ߯߂߀ߣߌ߫ ߞߐ߫ ߞߣߐ߫،ߞߏ߫ ߡߐ߱ ߣߌ߲߬ ߓߍ߯ ߓߐߣߍ߲߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߖߡߊ߬ߣߊ ߟߎ߫ ߟߋ߬ ߞߣߐ߫.ߡߊ߰ߙߌ ߦߋ߫ ߣߌ߲߬ ߞߏ ߓߐߒߘߊ߫ ߘߌ߫ ߒ߬ ߡߊ߬ ߟߋ߬ ߘߍ߯߹ߊ߲ ߘߋ߲ ߠߎ߬ ߕߍ߫ ߝߊ߬ߖߡߊߣߊ ߟߎ߬ ߞߣߐ߫߸ߊ߬ߟߎ߫ ߘߏ߲߬ ߡߊ߫ ߋߙߐߔߎ߬ ߟߊߛߐ߬ߘߐ߲߬. ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫.
ߖߐ ߦߴߊߟߎ߫ ߡߊ߬ ߓߊߘߋ߲ ߠߎ߬߸ ߦߴߊߟߎ߫ ߞߵߊ߬ ߟߐ߲߫ ߧߊ ߡߍ߲ ߞߏ߫ ߝߊ߬ߙߊ߲߬ߛߌ߬ߞߊ ߟߎ߬ ߕߘߵߊ߬ߟߎ߬ ߟߊ߫ ߛߎߥߊ߲ߘߟߌ ߞߊ߲߬ ߕߋ߬ߟߋ߫ ߝߌ߬ߟߊ߫ ߢߌ߲߬ ߘߐ߫،ߊ߬ߟߎ߫ ߡߐ߰ ߁߁ ߠߋ߬ ߕߊ߯ ߘߴߏ߬ ߛߋ߬ߢߊ߬ ߝߟߐ ߘߐ߫߸ߞߊ߬ ߡߐ߰ ߂ ߛߎߘߊ߲߫، ߏ߬ ߟߎ߫ ߟߋ߬ ߞߍ߫ ߘߊ߫ ߋߡߊߣߎ߳ߍߟ ߡߊߞߑߙߐ߲߫ ߣߌ߫ ߡߊߙߌ߫ ߟߏߔߍߣ ߘߌ߫߸ߡߐ߰ ߂ ߏ߬ ߟߎ߫ ߞߵߊ߬ߟߎ߬ ߟߊ߫ ߡߊ߲߰ߛߊ߬ߦߊ ߢߍߥߟߊ ߦߌ߬ߘߊ߬ ߡߐ߱ ߟߎ߬ ߟߊ߫ ߞߏߛߓߍ߫، ߒ߬ߓߊ߫ ߡߍ߲ ߕߊ ߞߊ߬ ߖߊ߬ߡߊ ߤߍߣߍ߲߫ ߏ߬ ߟߋ߫ ߛߎߘߊ߲ߣߍ߲߫ ߓߌ߬ ߅߲/߇ / ߂߀߁߇ ،ߣߴߊ߬ ߦߋ߫ ߋߡߊߣߎ߳ߍߟ ߡߊߞߑߙߐ߲߫ ߘߌ߫߸ ߊ߬ ߛߎߘߊ߲߫ ߘߊ߫ ߞߡߍ߬ߘߐ߬ߦߊ߬ ߆߅،߈ ߞߊ߬ ߡߊߙߌ߫ ߟߏߔߍߣ ߕߊ ߞߍ߫ ߃߄،߂ ߸ ߝߊߙߊ߲ߛ ߝ߭ߍ߲ߞߊߕ ߖߌ߬ߦߊ߬ߞߊ߲ ߞߊ߬ ߡߍ߲ ߦߌ߬ߘߊ߬
ߝߊ߲ߕߊ߫ ߡߊߡߊߘߌ߫ ߒߞߏߡߐ߯ ߘߎ߰ߣߐ߬ ߞߋߕߊ߬
(ߜ߭ߣߊ߫( ߊߞߑߙߊ߫
ߗߍߞߏ߫ ߞߟߍ:ߖߌ߬ߣߍ߬ ߞߊ߲ߕߌ߯ ߞߘߐ ߞߟߍ߬ߕߌ߮ ߟߊ߲߬ߛߣߊ߬ ߞߐ߲ߕߍ߬ ߟߊ߫ ߘߋ߲ߓߦߊ ߟߎ߬ ߟߋ߬ ߢߐ߲߮ ߠߊ߫ ߕߋ߲߬ ߞߏߛߓߍ߫߸ߞߵߏ߬ ߛߊߓߎ ߞߍ߫߸ߞߟߍ߬ߕߌ߮ ߞߊ߬ ߝߋ߲ ߡߍ߲ ߠߎ߬ ߕߏ߫ ߗߍ ߘߐ߫߸ߊ߬ ߘߋ߲ߞߍ߫ ߎߛߑߡߊߣ ߞߐ߲ߕߍ߬ ߣߌ߫ ߞߊߘߌߦߊߕߎ߫ ߛߍߕ ߞߐ߲ߕߍ߬ ߘߋ߲ ߠߎ߬ ߟߋ߬ ߢߐ߲߮ ߠߊ߫ ߕߋ߲߬ ߗߍ ߏ߬ ߟߎ߫ ߝߍ߬،ߓߍ߯ ߓߘߴߊ߬ ߕߊ߫ ߟߊ߬ߝߛߊ߬ߟߌ߬ߟߊ߫ ߕߊ߬،ߎߛߎߡߊߣ ߞߐ߲ߕߍ߬ ߕߎ߲߬ ߓߘߊ߫ ߦߙߐ ߘߏ߫ ߟߎ߫ ߡߊߦߌ߬ߘߊ߫ ߡߐ߱ ߘߏ߫ ߟߎ߫ ߡߊ߬߸ߓߟߏ ߓߘߊ߫ ߖߊ߬ ߦߙߐ ߏ߬ ߟߎ߬ ߞߊ߲ ߘߐ߫߸ߏ߬ ߟߎ߬ ߝߣߊ߫ ߣߌ߫ ߎߛߑߡߊߣ ߦߋ߫ ߞߕߌ ߘߊߞߘߐ߫ ߕߋ߲߬،ߞߓߊߞߏ߫߹ߡߐ߱ ߡߍ߲ ߞߊ߬ ߛߊ߲߬߂߄ߞߍ߫ ߖߡߊ߬ߣߊ ߞߊ߲ߕߌ߯ߦߊ ߟߊ߫߸ߏ߬ ߘߋ߲ ߠߎ߬ ߡߊ߫ ߛߋ߫ ߘߏߜߘߍ߫ ߞߍ߫ ߟߊ߫߸ߝߏ߫ ߞߍ߬ߟߍ ߗߍߞߏ ߘߐ߫،ߣߌ߫ ߡߐ߰ ߞߊ߬ ߝߊߣߌ߲ ߛߣߍ߬߸ߌ ߦߋ߫ ߝߊߣߌ߲ ߠߋ߬ ߞߊ߬ ߟߊ߫،ߣߴߌ ߘߏ߲߬ ߞߊ߬ ߡߊ߬ߟߏ ߛߣߍ߬߸ߌ ߦߋ߫ ߡߊ߬ߟߏ ߟߋ߫ ߞߊ߬ ߟߊ߫.ߊ߫߹ߘߋ߲ ߢߌ߲߬ ߠߎ߬ ߣߴߊ߬ߟߎ߫ ߝߊ߬ ߕߋߙߌ ߟߎ߫ ߟߋ߬ ߞߊ߬ ߞߐߣߊߞߙߌ߫ ߣߌ߫ ߞߊ߲ߞߊ߲߫ ߕߍ߫ ߣߍ߰ߜߙߋ ߓߍ߯ ߡߊߦߌ߬ߘߊ߬ ߜߋߙߊ߫،ߛߋߟߎ߫ ߘߊߟߍ߲߬ ߖߊߟߏ߫ ߟߊ߫ ߞߏߕߌ߯ ߝߟߐߦߊ ߕߎ߬ߡߊ ߟߊ߫߂߀߀߆ߟߊ߫،ߞߵߊ߬ ߕߘߍ߬ ߊ߬ߟߎ߫ ߝߊ߬ ߛߎ߬ߡߊ߬ߣߎ߲ߜߊ߲ ߦߋ߫. ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫.
ߖߐ ߦߴߊߟߎ߫ ߡߊ߬ ߓߊߘߋ߲ ߠߎ߬߸ ߦߴߊߟߎ߫ ߞߵߊ߬ ߟߐ߲߫ ߢߊ ߡߍ߲ ߞߏ߫ ߒ ߧߋ߫ ߜ߭ߣߊ߫ ߕߋ߬ߟߋ߫ ߂ ߢߌ߲߬ ߘߐ߫߸ ߊ߬ ߘߏ߲߬ ߡߊ߲߬ߘߋ߲߬ߞߊ ߓߊ߯ ߞߍ߫ ߘߎߢߊ߫ ߝߊ߱ ߺ ߊ ߺ ߝߊ߬ ߸ ߊ߬ ߦߴߊ߬ ߛߎ߮ ߟߋ߫ ߦߌ߬ߘߊ߬ ߟߊ߫ ،ߊ߬ ߘߏ߲߬ ߛߎ߯ ߏ߬ ߕߍ߫ ߘߏ߫ ߜߘߍ߫ ߘߌ߫ ߛߍ߬ߓߍ ߞߐ߫. ߞߍ߲ߘߍߟߏ߲ /߄߲/߂߂/߂߀߁߇ ߊ߲ ߞߊ߬ ߒߞߏ߫ ߞߊߙߊ߲ ߘߊߡߌ߬ߣߊ߫ ߜ߭ߣߊ߫ (ߊߞߑߙߊ߫) ߡߊ߬ߙߌ߬ ߛߊߣߌ߲ ߠߊ߫ ߘߌ߬ߢߍ ߞߣߐ߫ ،ߞߊ߬ߙߊ߲߬ߘߋ߲ ߘߏ߫ ߟߎ߫ ߖߌ߬ߦߊ߬ߓߍ ߝߟߍ߫ ߣߌ߲߬߸ ߒߠߋ ߟߋ߬ ߞߌߣߌ߲ ߝߍ߬ ߕߋ߲߬
.ߖߐ ߦߴߊߟߎ߫ ߡߊ߬ ߊ߲ ߓߍ߬
ߝߊ߲ߕߊ߫ ߡߊߡߊߘߌ߫ ߒߞߏߡߊߣߐ߯ ߘߎ߰ߣߐ߬ ߞߋߕߊ߬
ߞߎ߲߬ߕߌ߰ߦߊ ߟߋ߬ ߓߊ߰ ߡߊ߲߬ߛߊ߬ߦߊ؟
ߊ߲ ߓߊߘߋ߲߫ ߖߌ߬ߣߍ߫ ߞߐ߰ߖߌ߬ߘߊ ߓߍ߯ ߞߵߊ߬ߟߎ߬ ߓߟߏ ߟߐ߬ ߡߐ߰߁ߠߊ߫ ߛߊߙߏ߲߬߸ߞߵߏ߬ ߞߍ߫ ߖߌ߬ߣߍ߫ ߞߐ߰ߖߌ߬ߘߊ ߡߊ߲߬ߛߊ ߘߌ߫،ߊ߬ߟߎ߫ ߦߴߊ߬ ߞߟߌ߫ ߟߊ߫ ߛߏ߬ߛߏ߬ ߞߊ߲ ߘߐ߫ ߞߏ߫(ߞߎ߲߬ߕߌߞ߭ߌ߬)ߟߊ߰ߖߌ߬ ߛߍߞ߭ߎߣߊ߫ ߛߎߡߊ߬ ߟߋ߬ ߟߊߛߌ߰ ߘߊ߫ ߞߎ߲߬ߕߌ߰ߦߊ ߣߌ߲߬ ߠߊ߫،ߛߏ߬ߛߏ ߟߎ߬ ߞߊ߲߫ ߞߋߕߊ߭ ߟߎ߫ ߟߋ߬ ߡߊ߬ ߞߏ߫ ߛߎߡߊ߬،ߊ߬ ߟߊ߬ߛߌ߰ߟߌ ߖߐ߰ߣߍ ߝߛߎߞߎ ߥߊ߫ ߘߊ߫ ߟߋ߬ ߝߏ߯ ߖߌ߬ߣߍ߬ ߕߊߡߊ߲ ߥߟߎ߬ߡߊ߬ ߁ߣߌ߫ ߞߐ߫.ߞߎ߲߬ߕߌ߰ ߓߏߟߏ߲ ߛߌ߲߬ߝߏ߲ ߠߎ߬ ߝߣߊ߫ ߡߊߖߌ߰ ߘߊ߫ ߟߊ߰ߖߌ߬ ߛߍߞ߭ߎߣߊ߫ ߛߎߡߊ߬ ߟߊߡߌߣߌ߲ ߘߐ߫.߂߀߁߇ߞߏ߲ߞߏߘߌ߬ߓߌ߂߂ߡߊ߬،ߕߊ߬ߣߍ߯ߣߍ߬ ߘߏ߬ߓߙߌߞߊ߬ ߡߊ߬ߙߊ ߘߐ߫߸ߛߌ߲߬ߝߏ߲߫ ߂߃. ߖߌ߬ߣߍ߬ ߞߏߕߌ߯ ߝߟߐ ߡߊ߬ߡߊߘߌ߫ ߦߎ߬ߟߊ ߟߋ߬ ߞߊ߬ ߞߎ߲߬ߠߊ߬ߛߌ߮ ߞߐߦߌ߬ߘߊ߬،ߓߋߟߋ߲ߕߌ߮ ߞߊ߬ ߖߌ߬ߣߍ߫ ߞߐ߰ߖߌ߬ߘߊ ߘߎ߰ߓߊ ߓߍ߯ ߡߊߘߊ߲߫߸ߊ߬ ߜߋ߲ߜߋ߲߫ ߕߟߋߡߋ߬ߟߋ߬.ߞߊ߬ ߞߐ߲߬ ߖߊ߲߬ߖߏ߲ ߣߌ߲߬ ߢߍ߫߸ߞߍ߲ߘߍߟߏ߲ ߞߏ߲ߞߏߘߌ߬ߓߌ ߕߟߋ߬߁߅ߡߊ߬߸ߞߎ߲߬ߕߌ߮ ߟߊ߰ߖߌ߬ ߛߍߞ߭ߎߣߊ߫ ߛߎߡߊ߬ ߣߌ߫ ߗߋߦߊߟߌ߫ ߞߟߊߒߞߋ߫ ߛߣߍߡߊ߫ ߘߊ߫ (. ߡߊ߲߬ߘߋ߲߬ ߓߏߟߏ߲) ߡߐ߰ߓߊ ߟߎ߬ ߕߍ߰ߟߊ ߘߐ߫߸ߞߏ߫ ߊ߬ ߓߘߊ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߞߊ߬ߙߌ߬ߝߊ߫ ߡߊ߲߬ߘߋ߲߫ ߡߐ߰ߓߊ 
ߟߎ߬ ߟߊ߫،ߊ߬ ߞߵߊ߬ ߦߌ߬ߘߊ߬ ߝߣߊ߫߸ߞߏ߫ ߕߐ߲ ߓߘߊ߫ ߛߌ߰ ߞߐߣߊߞߙߌ߫ ߞߐ߲߬ߡߘߊ߬ ߖߋߣߌ߲ ߠߊ߫ ߛߌߟߊ ߟߎ߫ ߞߊ߲߬،ߝߐ߰ߓߍ߬ߦߊ߬ߟߊ ߟߎ߫ ߞߵߊ߬ ߘߟߊߛߎ߲ߓߎߟߌ ߡߍ߲ ߞߍ߫ ߝߣߊ߫ ߕߊ߬ߣߍ߯ߣߍ߬߸ߊ߬ ߛߋ߬ߦߌ߬ ߘߊ߫ ߞߎߡߊ߫ ߞߋߟߋ߲ ߣߌ߲߬ ߡߊ߬.ߏ߬ ߞߏ ߟߋ߬ ߟߊߞߊ߬ߟߌ ߜߊ߬ߣߍ߲߫ ߛߏ߬ߛߏ ߟߎ߬ ߓߟߏ߫ ߕߋ߲߬ ߞߏߛߓߍ߫.ߝߊߦߌߘߊ߫ ߛߏ߬ߛߏ߬ ߡߊ߲ߛߊ ߟߋ߬ ߟߊߛߌ߰ߣߍ߲߫ ߣߌ߲߬߸ߣߌ߫ ߡߊ߲߬ߘߋ߲߬ ߝߣߊ߫ ߛߋ߫ ߘߊ߫ ߡߊ߲߬ߛߊ߬ ߁ ߠߊߛߌ߰ ߟߊ߫ ߕߊ߲߬߸ߏ߬ ߘߌ߫ ߓߍ߲߬ ߝߋߎ߫.ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫.
ߙߛߌ߬ߟߊ߬ ߞߊ߲ߕߌ߮ ߝ߭ߑߟߊߘߑߡߌߙ ߔߎߕߌߣ ߓߘߴߊ߬ ߞߊ߲ߠߊߓߐ߫߸ߞߏ߫ 
ߊ߬ߟߎ߬ ߕߍ߫ ߛߐ߲߬ ߛߌ߯ߙߌ߫ ߞߎ߲߬ߠߊ߬ߛߌ߮ ߞߍ߬ߟߍ ߡߊ߬ ߊߡߙߌߞߌ߬ ߓߟߏ߫ ߕߐ߬ߢߍ߬ ߓߟߏ߫ ߡߊ߬ ߸ߞߏ߫(ߖߎ߲߯ߛߊ ߞߟߍ߬ߟߊ߲) ߦߴߊ߬ߟߎ߬ ߓߟߏ߫،ߞߏ߫ ߓߊ߬ߛ߭ߊߙ ߊߟߑߊߛߊߘ ߟߊ߫ ߞߎ߲߬ߠߊ߬ߛߌ߮ ߓߘߊ߫ ߖߎ߲߯ߛߊ ߞߟߍ߬ߟߊ߲ ߡߎ߮ ߝߍ߯߸ߞߊ߬ ߡߐ߰ ߈߆ߓߣߐ߬ ߊ߬ߟߎ߬ ߣߌ ߘߐ߫.ߙߛߌ߬ߟߊ߫ ߞߑߙߍߡߑߟߍ߲߫ ߠߋ߬ ߞߊ߬ ߟߊ߬ߛߋ߬ߟߌ ߣߌ߲߬ ߞߍ߫.ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍߣߑߦߊߡߌߣ ߣߌߕߊߣߑߦߊߥ ߓߘߊ߫ ߜߋߟߋ߲ߜߋߟߋ߲߫ ߞߏ߫ ߛߟߊߕߌ߮ ߔߎߕߌߣ ߠߊ߫ ߞߎߡߊ ߕߴߛߋ߫ ߕߊ߬ ߟߊ߫ ߝߋߎ߫߸ߞߏ߫ ߥߎߦߊ߫ ߡߊ߫ ߟߊ߫ ߛߌ߯ߙߌ߫ ߟߊ߫ ߝߋߎ߫،ߔߎߕߌߣ ߞߊ߲߫ ߞߏ߫ ߒ߬ߓߊ߬ ߊ߬ ߡߊ߫ ߞߍ߫ ߟߊ߬ߥߟߌ߬ߒ߬ߡߊ߬ ߓߟߏ߫ ߡߊ߬،ߌߛߌ߬ߙߊ߬ߌߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߊߝ߭ߌߜߐߙ ߟߌߝ߭ߍߙߑߡߊߣ ߞߵߊ߬ ߦߌ߬ߘߊ߬ ߞߎߣߎ߲߬ ߓߌߟߏ߲ ߞߏ߲ߞߏߘߌ߬ߓߌ ߕߟߋ߬߁߃ߡߊ߬߸ߞߏ߫ ߕߎ߬ߢߊ ߟߋ߬ %߁߀߀߸ߞߏ߫ ߛߌ߯ߙߌ߫ ߡߊ߲߬ߛߊ߬ߞߍ ߓߊ߬ߛ߭ߊߙ ߊߟߑߊߛߊߘ ߟߋ߫ ߞߊ߬ ߖߊ߬ߡߊߙߌ ߘߌ߫߸ߞߏ߫ ߞߊ߬ ߖߎ߲߯ߛߊ ߞߟߍ߬ߟߊ߲ ߝߍ߯ ߊ߬ ߞߟߍ߬ߢߐ߲߮ ߠߎ߬ ߟߊ߫߸ߊߡߋߙߌߞߌ߬ ߝߣߊ߫ ߞߵߊ߬ ߞߊ߲ߕߏ߫߸ߞߏ߫ ߙߌ߬ߛߌ ߕߍ߫ ߛߋ߫ ߕߌߢߍߟߌ߫ ߛߙߋߦߡߊ ߞߍ߫ ߟߊ߫ ߥߎߦߊ ߘߌ߫،ߞߏ߫ ߕߌߢߍߟߌ ߞߍ߫ ߘߊ߫ ߞߐ߬ߟߏ߲ ߕߊ߬ߡߌ߲߬ߣߍ߲ ߠߋ߬߸ߞߏ߫ ߘߋ߲ߣߍ߲߫߃߀ߖߍ߬ߘߍ ߣߌ ߕߏ߫ ߘߴߊ߬ ߘߐ߫.ߡߊ߰ߙߌ ߦߋ߫ ߥߊ߬ߥߎߟߋ ߕߊ ߟߊߛߊ߬ ߟߋ߬ ߘߍ߯߹ߝߊ߲߬ߞߊ߬ߡߊ ߟߎ߬ ߟߊ߫ ߝߐߢߐ߲߯ߞߐ ߡߊ߲߫ ߘߌ߫ ߘߎߢߊ߫ ߟߊ߫. ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫.
ߊߡߋߙߌߞߌ߬ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߞߵߊ߬ ߟߊߛߋ߫ ߞߎߣߎ߲߬ ߂߀߁߇ߞߏ߲ߞߏߘߌ߬ߓߌ߁߃ߡߊ߬߸ߞߏ߫ ߊ߬ߟߎ߬ ߓߘߊ߫ ߘߎߢߊ߫ ߝߏߘߏ߲(ߓߐ߲ߓ) ߓߍ߯ ߘߐ߫ ߓߏ߲߬ߓߊ ߟߊߘߊ߲߫ ߊߝ߭ߎߜ߭ߊߣߌߛߑߕߊ߲߫ ߖߡߊ߬ߣߊ ߘߐ߫߸ߡߊ߲߬ߞߕߎ߬ߟߌ߬ ߓߟߏ߫ ߡߊ߬߸ߞߴߏ߬ ߟߋ ߦߋ߫ ߞߌߢߍ߲߫ ߝߏߘߏ߲ ߓߍ߯ ߣߊ߫ ߘߌ߫ ߕߋ߲߬. ߞߏ߫ ߝߏߘߏ߲ ߏ߬ ߟߋ ߞߍߕߐ߫ ߛߌ߬ߟߡߊ߬ߦߊ ߘߌ߯ߣߊ߫ ߝߊߕߐ ߡߐ߱ ߟߎ߬ ߟߊ߫ ߝߏߘߏ߲߫ ߘߏ߲߰ߣߍ߲ ߓߍ߯ ߖߊߡߎߙߊ߲߫ ߠߊ߫.ߘߊ߯ ߕߎ߲ߞߎ߲ߟߏ߯ߟߎߡߊ (ߔߍ߲ߕߊߜ߭ߐߣ) ߓߋߟߋ߲ߕߌ߮ ߟߋ߫ ߞߵߊ߬ ߟߊߛߋ߫.ߊ߬ߟߎ߫ ߣߊ߬ ߘߎ߰ߞߘߐ߬ߓߏ߲ ߡߍ߲ ߖߍ߲ߛߍ߲߫ ߠߊ߫ ߘߐ߬ߝߏ߬ߘߏ߲߬ߠߌ߲ ߞߐߟߕߊ ߣߌ߲߬ ߘߐ߫߸ߞߏ߫ ߊ߬ߟߎ߫ ߞߊ߬ ߕߊߟߌߓߊ߲߫ ߡߐ߰߁߃ߟߋ߬ ߝߊ߰.ߊߡߙߌߞߌ߬ ߟߊ߫ ߝߏߘߏ߲ ߣߌ߲߬ ߖߌߘߊ߲ ߥߊߣߍ߲߫ ߤߊ߲߯ ߞߌߘߊ߫ ߁߀ ߀߀߀ߣߌ߫ ߞߐ߫.
ߞߌߢߍ߲߫ ߝߊ߲߬ߞߊ߬ߡߊ ߟߎ߬ ߦߋ߫ ߝߊ߲߬ߞߟߊ߬ߖߊ߲ߞߏ ߟߋ߬ ߞߊ߲߬ ߕߋ߲߬،ߣߊߟߌ߬ߡߎ߲߫ ߞߐ߰ߘߎ߮ ߞߏ߯ߙߋ߫ ߣߌ߫ ߙߌ߬ߛߌ ߣߌ߫ ߊߡߋߙߌߞߌ߬ ߘߌ߫. ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫.
ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߕߊ߯ߣߍ߲߫ ߓߐߒߡߊߟߌ ߟߊ߫ ߝߊ߬ߙߊ߲߬ߛߌ߬߸ߊ߬ ߘߏ߲߬ߣߍ߲߬ ߢߊ ߡߍ߲߂߀߁߇ߞߏ߲ߞߏߘߌ߬ߓߌ ߕߟߋ߬߁߀ߡߊ߬߸ߝߊ߬ߙߊ߲߬ߛߌ߫ ߞߊ߲ߕߌ߮ ߝߊ߬ߙߊ߲߬ߛߏߥߊ ߤߏߟߊ߲ߘ ߞߵߊ߬ ߟߊߞߢߐ߬ߡߊ߫ ߋߟߌߖ߭ߋ߫ ߞߎߓߋ ߟߊ߫.ߊ߬ߟߎ߫ ߞߊ߬ ߞߟߊ߬ߣߐ߬ߦߊ߬ߟߌ ߞߍ߫ ߓߊ߯ߙߊߢߐ߲߯ߧߊ ߓߏߟߏ߲߫ ߛߌߦߊߡߊ߲߫ ߞߊ߲߬.ߏ߬ ߟߋ ߞߐ߫߸ߞߊ߲ߕߌ߮ ߊߟߌߝߊ߫ 
ߞߐ߲ߘߍ߫ ߣߌ߫ ߝߊ߬ߙߊ߲߬ߛߌ߬ ߡߊ߲߬ߛߦߊ߬ ߢߌ߬ߣߌ߲߬ߠߊ߬ ߛߘߊߡߊ ߋߡߊߣߌߦߍߟ ߡߊߞߑߙߐ߲߫ ߞߊ߬ ߢߐ߲߯ߦߋ ߘߏ߫ ߞߍ߫ ߓߌ߬ ߂߀߁߇ߞߏ߲ߞߏߘߌ߬ߓߌ ߕߟߋ߬ ߁߁ߡߊ߬߸ߞߊ߬ ߓߍ߲߬ ߝߊ߬ߙߊ߲߬ߛߌ߬ ߣߌ߫ ߊߝߙߌߞߌ߬ ߟߊ߫ ߕߍߓߊ߯ߦߊ ߜߋ߲߬ߞߘߎ߬ߞߏ ߡߊ߬߸ߞߊ߬ߡߊߛߐ߬ߘߐ߲߬ ߞߊ߲ߕߌ߮ ߊߟߌߝߊ߫ ߞߐ߲ߘߍ߫ ߟߋ߬ ߊߝߙߌߞߌ߬ ߞߋ߬ߟߋ߲߬ߧߊ ߘߍ߭ ߞߊ߲ߕߌ߮ ߘߌ߫ ߕߋ߲߬.ߏ߬ ߟߋ ߘߐߝߐ߰ߓߍ߬ߝߐ߯ߓߍ ߦߋ߫ ߌߘߐ߫ ߞߌ߬ߓߊ߬ߙߏ߬ ߞߊ߲ߞߋ ߟߎ߬ ߓߟߏ߫ ߕߋ߲߬. ߖߌ߰ߓߊ߬ ߛߌ߬ߟߊ߬ ߡߊ߯ߘߌ߫ ߓߙߋߕߋ߫.
ߓߊߘߋ߲ ߠߎ߬ ߖߐ ߦߴߊߟߎ߫ ߡߊ߬߸ ߒ ߛߍߥߊߣߍ߲߫ ߣߌ߫ ߒ ߧߊ߯ߟߋ߲ߠߍ߲߫ ߠߋ߬ ߦߴߊ߬ ߟߊ߫ ߛߋ߫ ߟߊ߫ ߒߞߏ ߘߌ߲߬ߞߏ ߓߍ߯ ߡߊ߬ ߞߏ߫߸ ߡߊ߰ߙߌ߬ ߛߊߣߌ߲ ߠߊ߫ ߘߌ߬ߢߍ ߞߣߐ߫߸ ߒߞߏ ߓߍ߫ ߣߊ߬ ߞߊ߬ߙߊ߲߫ ߘߊߡߌ߬ߣߊ߬ ߜ߭ߣߊ߫ ߥߊ߲߬ߞߊߙߊ߲߫ ߠߎ߬ ߓߟߏ߫ ߕߋ߬ߟߋ߫ ߝߌ߬ߟߌ߫ ߢߌ߲߬ ߘߐ߫،ߊ߬ߟߎ߬ ߝߣߊ߫ ߦߋ߫ ߖߎ߬ߟߊ߬ ߞߊ߲ ߠߋ߬ ߝߐ߫ ߟߊ߫߸ ߊ߬ߟߎ߬ ߦߋ߫ ߓߐ߫ ߟߊ߫ ߜ߭ߣߊ߫ ߞߐ߰ߘߎ߮ ߟߋ߬ ߘߐ߫߸ ߜ߭ߣߊ߫ ߞߎߓߋߘߊ ߂ ߦߋ߫ ߦߋ߲߬ ߠߋ߬ ،ߣߴߊ߬ ߕߐ߯ ߞߏ߫ ߞߎ߬ߡߊ߬ߛߌ߫، ߛߊ߱ߡߏ߬ߙߌ߬ ߕߘߵߊ߬ ߞߏ߬ߟߊ߫ ߞߐ߭ ߡߍ߲ ߘߐ߫ ߜ߭ߣߊ߫ ߦߊ߲߬߸ ߏ߬ ߦߋ߫ ߦߋ߲߬ ߠߋ߬߸ ߊ߬ ߟߊ߫ ߕߌ߲ߓߌߘߌ߲ߘߊ ߝߣߊ߫ ߦߋ߲߬، ߓߊߘߋ߲ ߠߎ߬ ߊ߬ߟߎ߬ ߟߊ߫ ߡߊ߲߬ߛߊ߬ߞߍ ߕߐ߯ ߞߏ߫ ߛ߭ߍߞ ߌߛߊ߫ ߓߊߓߊ߫، ߊ߬ ߓߘߊ߫ ߝߏ߯ ߞߋߟߋ߲߫ ߓߌ߬ߟߊ߫ ߒ ߛߊ߬ߥߏ ߘߐ߫ ߒߞߏ߫ ߞߊߙߊ߲߫ ߞߊ߲ߡߊ߬، ߊߟߎ߫ ߞߏ߬ߣߌ߲߫ ߦߴߊ߲ ߡߊߜߍ߲߫ ߘߎ߬ߥߊ߬ߥߎ ߟߊ߫ ߞߏߛߓߍ߫.
ߊߟߎ߫ ߓߊߘߋ߲߫ ߗߍ߸ ߝߊ߲ߕߊ߫ ߡߊߡߊߘߌ߫ ߒߞߏߡߊߣߐ߯ ߘߎ߰ߣߐ߬ ߞߋߕߊ߬ ߜ߭ߣߊ߫ ߊߞߑߙߊ߫)
